________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
कर्म-प्रकृति
चारित्तमोहणं कम्मं दुविहं तं चियाहि । कसायमोह णिज्जं तु नोकसायं तहेव य ॥१०॥ सोलसविहिभएणं कम्मं तु कसायज । सत्तविहं नवविहं वा कम्मं च नोकसायजं ॥ ११ ॥
५ आयु-४ नेरइय-तिरिक्खाउं मणुस्साउं तहेव य । देवाउयं चउत्थं तु आउं कम्मं चउब्धिहं ॥ १२ ॥
६ नाम नाम कम्मं तु दुविहं सुहमसुहं च आहिये । सुभस्स उ बहू भेया एमेव असुहस्स वि ॥ १३ ॥
७ गोत्र-२ गोयं कम्मं दुविहं उच्च नीयं य आहियं । उच्च अठविहं होइ एवं नीयं वि आहियं ॥ १४ ॥
८ अंतराय-५ दाणे लाभे य भोगे य उवभोगे वीरिए तहा। पंचविहमंतरायं समासेण वियाहियं ॥ १५॥ एयाओ मूलपयडीओ उत्तराओ य आहिया । एसग्गं खेत्तकाले य भावं उत्तरं सुण ॥ १६ ॥ सव्वेसिं चेव कम्माणं पएसग्गमणंतगं । गण्ठियसत्ताईयं अंतो सिद्धाण आहियं ॥१७॥ सव्वजीवाण कम्मं तु संगहे छदिसागयं । सव्वेसु वि पएसेसु सव्वं सव्वेण बद्धगं ॥ १८ ॥ उदहीसरिसनामाण तीसई कोडिकोडिओ। उक्कोसिया ठिई होइ अंतोमुहुत्तं जहणिया ॥ १९ ॥ आवरणिज्जाण दुण्हं वि वेयणिज्जे तहेव य । अंतराए य कम्मम्मि ठिई एसा वियाहिया ॥२०॥ उदहीसरिसनामाण सत्तरि कोडिकोडिओ। मोहणिज्जस्स उक्कोसा अंतोमुहुत्तं जहणिया ॥२१॥
For Private And Personal Use Only
