________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
कालिकाचार्यकथा । नहविहिए भणइ गुरू, जया इअं सहदेउ मुहकुहरं । विदलइ(लेह) जमगसमग, तया उ त सरिहि पुरिज्जा ॥५६॥ तेहिं वि तहेव विहिए, पढिहयसत्त ति सा निवस्सुवरि । काउं मुत्तपुरीसे, लत्तं दाउं च झत्ति गया ॥५७॥ गुरु भणइ लेह संपई, जं एअस्सित्तिअं बलं ता ते । भंजिअ कुह बंधिअ, निवं च सूरीण अप्पिति ॥५८॥ आ सो भणिओ गुरुणा, रे रे पाविट्ठ ! दुट्ट ! निल्लज्ज ! । अणडज्जकजसज्जय !. सज्जमहारज्जपब्मट ! ॥५९॥ जमणिच्छंतीए साहुणीए विद्धंसणं कयं तुमए । न य मनिओ अ संघो, तेणम्हेहिं इमं विहिरं ॥६॥ जो मोहमोहिअमई, भंजेइ साहुणीविमलसीलं । सो नरोहिलाभो, अणंतकालं भवे भमए(ई) ॥६१॥ किं च इह चिय जम्मे, जं पत्तो बंधताडणाइदुहं । संघावमाणणापायवस्स कुसुमुग्गमो एसा ॥६२॥ नरय-तिरिक्ख कुमाणुस-कुदेवगइगमणसंकडावडिओ। मणणंतभवे भमिहिसि, तं पुण विरसं फलं होही ॥६३॥ तह वि कुण निंदणाई पुत्विं आलोइऊण पच्छित्तं । दुहमलहि तरसि जेणं, तं मुणिअ स मिओ राया ॥६॥ तो देसताडिओ सो, दुईण मरिउ भिसं भवे भमिही । गुरुपज्जुवासि साही, राया सेसा उ सामंता ॥६५॥ कालयसूरीहिं तओ, सा भगिणी संजमे पुणो ठविगि । आलोइअपडिकतो, सूरी वि सयं गणं वहइ ॥६६॥ ।
(२)
भरुअच्छि सरिभाणिजगा उ बलमित्त-भाणुमित्त ति । ताण ससा भाणुसिरी, तीसे पुत्तो अ बलभाणू ॥६७॥ तेहिं मुदा आहूआ, सग पूच्छिअ आगया तर्हि गुरुणो । बलभाणुमाइपत्ता, नमिउं गुरु तो कहइ धम्मं ॥६८॥ पवणपहल्लिरकुवलयदलग्गजललवमुचंचलं जीअं । तरुणतरतरणिकिरणारुणं व तरलं तरुणभावं ॥६९।। करिकलहकनाचवलं व, संपयं संपयं मुणेऊण । भो भव्वा! जिणधम्मे, मा मणयं पिहु पमाएह ७०॥
For Private And Personal Use Only
