________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सूत्रकृतास्त्र समणोवासगस्स आयाणसो आमरणंताए० तेसु पच्चायति। तेहिं समणोवासगस्स सुपच्चक्खायं भवइ, ते पाणा वि जाव अयं पि भेदे से णो णेयाउए भवइ । तत्थ जे ते परेणं तसथावरा पाणा जेहिं समणोवासगस्स आयाणसो आमरणंताए. ते तओ आउं विप्पजहंति विप्पजहित्ता तत्थ आरेणं जे तसा पाणा जेहिं समणोवासगस्स आयाणसी आमरणंताए० तेसु पच्चायंति, तेहिं समणोवासगस्त सुपचक्खायं भवइ, ते पाणा वि जाव अयं पि भेदे से णो णेयाउए भवइ। तत्थ जे ते परेणं तसथावरा पाणा जेहिं समणोवासगस्स आयाणसो आमरणं. ताए० ते तओ आउं विप्पजहंति विप्पजहित्ता तत्थ आरेणं जे थावरा पाणा जेहि समणोवासगस्स अट्टाए दंडे अणिक्खित्ते अणट्राए णिक्खित्ते तेसु पञ्चायंति, जेहिं समणोवासगस्स अट्टाए दंडे अणिक्खित्ते अणटाए णिक्खित्ते जाव ते पाणा विजाव अयंपि भेदे से णो णेयाउए भवइ। तत्थ जे ते परेणं तसथावरा पाणा जेहि समणोवासगस्स आयाणसो आमरणंताए० ते तओ आउं विष्णजहति, विप्पजहिता ते तत्थ परेणं चैव जे तसथावरा पाणा जेहिं समणोवासगस्स आयाणसो आमरणंताए० तेसु पञ्चायंति, जेहिं समणोवासगस्त सुपञ्चक्खायं भवह, ते पाणा विजाव अयं पि भेदे से णो णेयाउए भवइ । भगवं च णं उदाहुण एवं भूयं ण एयं भव्वं ण एवं भविस्संति जण्णं तसा पाणा वोच्छिजिइंति थावरा पाणा भविस्संति, थावरा पाणा वि वोच्छिजिहिति तसा पाणा भविस्संति, अवोच्छिन्नेहिं तसथावरेहिं पाणेहि जण तुम्भे वा अन्नो वा एवं वदह पत्थि णं से केइ परियाए जाव णो णेयाउए भवइ ।सू०१३॥८॥
For Private And Personal Use Only
