________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
LOCALCCANSACREGAR
पण्णासनयराई ॥३७५॥ भयवं अदीणमणसो संवच्छरमणसिओ विहरमाणो । कण्णाहि निमंतिजइ वत्थाभरणासणेहिं च ॥३७६॥ एवं अविचलचित्तो बावीसाए परिसहेहि पहू । विहरंतो संपत्तो गयउरनयरम्मि वरिसंते ॥३७७॥सोमप्पहरायसुएण तत्थ सेयंसनामकुमरेण । पाराविओ वरेणं इक्खुरसेणं रिसहसामी ॥३७८॥ तत्तो य आरिएसु अणारिएसु पि भूरिदेसेसु । वाससहस्सं विहरइ रिसहजिणिंदो निरुवसग्गं ॥३७९॥ बहलीअंडबइल्लाजोणगविसओ सुवण्णभूमी य । आहिंडिया भगवया उसभेण तवं चरंतेणं ॥३८०॥ वहलीयजोणगा पल्हगा य जे भगवया समणुसट्टा । अण्णे य मिच्छजाई ते तइया भद्दया जाया ॥३८॥ अह एवं जगगुरुणो विहारचरियं तवं च दुरणुचरं । बहुजणपरंपरेणं मरुदेवीसामिणी सोउं | ॥३८२॥ तब्भवसिद्धिगमा वि हु सहावसरला वि पुत्तपिम्मपरा । चिंतइ एगग्गमणा अतुच्छवच्छल्लपडिहत्था ॥३८॥ मज्झ सुओ सयकालं सीयाऽऽयववासखुप्पिवासभवं । एगागी वणवज्झे सहइ दुहं इयरलोउच ॥३८४॥ केण वि समंन जंपइ न सुयइ निमिसं पि किं पि झायंतो । नवनवआसणनिरओ चिट्ठइ रत्तिं पि दियहं पि ॥३८५॥ पहखिण्णो विन वाहणमारुहइ न ण्हाइ गाढगिम्हे वि । अणुवाहणो य हिंडइ कक्करकंटइलमग्गे वि ॥३८६॥ तइलोयपूयणिजं तिहुयणचूडामणि तिजयनाहं । जीवंती पिक्खिस्सं पुणो वि कइयावि रिसहजिणं ॥३८७॥ इय झूरती मरुदेविसामिणी अंसुसलिलधाराहिं । साममुहा महिवीढं सिंचइ नवजलहरसिरिव ॥३८८॥ इय तीइ रुयंतीए नीलीए छाइयाई नयणाई । वरिसंतेण घणेणं घणाघणेणं व भवणाई ॥३८९॥ भरहो य जया राया आगच्छइ मायपायनमणत्थं । पाएसु तं पडतं सा भणइ करेहि फरिसंती ॥३९०॥ सुरलोयरजसरिसं वच्छ ! तुम माणसे सयं रजं । मह पुत्तो पुण दुक्खं पिक्खह तं तारिसं सहइ ॥३९१॥ ताव
OSAGARRAROSLARARIOUS!
For Private and Personal Use Only
