Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
નથી આ ક્ષેત્રમાં વર્તમાનકાળમાં શ્રી વીતરાગ ભગવંતનું અસ્તિત્વ.
તેમાં છતાં પણ એ કેમ ભાંગી નથી પડતું? છિન્ન-ભિન્ન બનીને ઈતિહાસના પાનાઓની શાહીમાત્રમાં કેમ રૂપાંતરિત નથી બની જતું?
ઓહ ! એમાંય આપણું આ ભરતક્ષેત્ર, વસ્યું છે જંબૂદ્વીપની દક્ષિણ દિશામાં. દક્ષિણ દિશાનાય દક્ષિણ કિનારા ઉપર. લવણ સમુદ્રનું પડોશી બનીને. આ બધાય પરિબળો ભરતક્ષેત્રના કષ્ટોમાં ઉમેરો કરતાં જાય તેમ છે. છતાંય એ અડીખમ ઉભું છે. અડગ બનીને ઝઝૂમી રહ્યું છે.
કુદરતના તાંડવને પાછળ પાડી રહ્યું છે. આનું કારણ જેમ અહિ ઉચ્છવાસ ભરનારા નિર્મળ સંયમી મહાત્માઓ છે... આનું કારણ જેમ સમ્યજ્ઞાનના વિપુલ પ્રકાશ જેવા જયોતિર્ધારી પુરુષો છે... આનું કારણ જેમ હજ્જારો સમ્યગૃષ્ટિ જીવોનું સમ્મદર્શન છે... આનું કારણ જેમ સેંકડો ગૃહસ્થોની દેશવિરતિની સાધના છે અને લાખો માર્ગાનુસારી જીવોની સત્યરૂચિ છે... તેમ આ બધાય કારણોને પ્રાણવંતા રાખે, સતત પોતાની અનુગ્રહની છાયા અર્પીને જોમવંતા રાખે એવા ભગવાન શ્રી સીમંધરસ્વામી પણ છે.
- ત્રણ જગતના એ અધિનાયક છે. - ભક્તોના એ ભાગ્યવિધાતા છે. - સચરાચર સૃષ્ટિને અંકુશમાં રાખે એવી અક્ષય શક્તિના એ ભંડાર છે.
એ પરમાત્મા ભલે ભરતક્ષેત્રની ભૂમિ પર નથી વિહરતાં પરંતુ આજે પણ તેઓ આ જ જંબૂદીપના મહાવિદેહક્ષેત્રમાં વિચરી રહ્યાં છે. શ્વાસ અને ઉચ્છવાસનું ગ્રહણ અને મોચન કરીને ત્યાંના વાયુ મંડલને શક્તિ અર્પી રહ્યાં છે. પોતાના ચરણ કમળનું સ્થાપન કરીને ત્યાંની ધરાને ધન્ય બનાવી રહ્યાં છે. એ પરમાત્માની અનુગ્રહદષ્ટિ અહિં રહેલાં આપણા જેવા ભાવિક ભક્તોને શું આજે પણ સ્પંદિત નથી કરી રહી?
ત્રણલોકના એ ચક્રવર્તીની નિઃસીમકસણા સંસારના શતમુખી ત્રાસથી ત્રસ્ત-વિત્રસ્ત બની ગયેલાં આપણા જેવાં ભારે કર્મી જીવોને શું આજે પણ આશ્વાસન નથી આપી રહી?
For Private and Personal Use Only
| SR No. | 020747 |
| Book Title | Simandharswamini Bhavyatra |
| Original Sutra Author | N/A |
| Author | Hitvardhanvijay |
| Publisher | Gautambhai Dansukhbhai Pansovera |
| Publication Year | 2003 |
| Total Pages | 44 |
| Language | Gujarati |
| Classification | Book_Gujarati |
| File Size | 4 MB |