________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ચાલો, આજે આપણે સહુ સાથે મળીને ભગવાન સીમંધરસ્વામીજીના દર્શન કરી જ લેવાનો પ્રચંડ સંકલ્પ કરીએ...
બોલો, વિહરમાન પરમાત્મા સીમંધરસ્વામી ભગવાનની જય... જય... જય... કેવા છે એ નાથ?
ક્યાં બિરાજે છે એ નાથ? કેવા નિરાળા છે એમના રૂપ-સ્વરૂપ? કેવા છે ભવ્ય એમના ઠાઠ-માઠ?
હા, આ બધું જ આપણે આજે જાણી લેવું છે. દિલના ઓઠ દ્વારા એનું આચમન કરી લેવું છે. એ માટે ભગવાન સીમંધરદેવની ભાવયાત્રા કરવી છે. ચાલો એ પહેલાં એ પરમાત્માનું એક સ્તવન ગાઈને આપણા પ્રણિધાનનું દઢીકરણ કરીએ. સૌ સૂરમાં સૂર મિલાવીને સાથે ઝીલજો . સીમંધર સ્વામી રે, તમારે ગામ રે,
હું કેમ આવું એકલો... ઘાતીના ઘાટ રે, વસમી છે વાટ રે,
અંતરે ઉચાટ રે... હું કેમ આવું એકલો... હું છું અનાથ રે, તારો છે સાથ રે..
દેજો સંગાથ રે, હું કેમ આવું એકલો... પાપોના પાશ રે, કરતાં નિરાશ રે..
સમરું શ્વાસ-શ્વાસ રે... હું કેમ આવું એકલો... મુક્તિનો પંથ રે, દેજો અરિહંત રે...
બનવું છે સંત રે.. હું કેમ આવું એકલો... આમ, આપણે આ ભરતક્ષેત્રોમાંથી પ્રસ્થાન પામી દૂર-દૂરની મહાવિદેહક્ષેત્રની વસુંધરા પર પહોંચી પરમાત્મા સીમંધરદેવના દર્શન, પૂજન, દેશના શ્રવણ કરવાનું દઢ પ્રણિધાન કરીએ છીએ.
For Private and Personal Use Only
