________________
Shri Mahavir Jain Aradhana Kendra
श्रीगुणचंद महावीरच०
३ प्रस्तावः
॥ ४१ ॥
www.kobatirth.org
Acharya Shri Kailassagarsuri Gyanmandir
कयं च उचियसमए मिगावइत्ति से नामं, कमेण य निरुवमारूढजोवणगुणा एवं सोहिउं पवत्ताकसिणसुसिणिद्धकुंचिरचिहुरचओ तीऍ उत्तमंगंमि । वयणेंदुविग्भमागयविडप्पसोहं समुव्व ॥ १ ॥ भालतलेऽवि लुलंती अतिकुडिला चिहुरवल्लरी तीसे । रेहइ वम्महरण्णो विजयपसत्थिग्य आलिहिया ॥ २ ॥ सरलेहिं लोयणेहिं तीऍ कवोलेहिं चंदकंतेहिं । अहरेण पउमरागेण रयणट्ठाणं व सहइ मुहं ॥ ३ ॥ संखो इव रेहावलयलंछियं कंठकंदलं विमलं । संठियविचित्तमणिलट्ठगंठियं सोहए तीए ॥ ४ ॥ कंदप्पनरिंदनिवासविग्भमे तीऍ थोरथणवट्ठे । हारो पडिहारतुलं आलंबइ लंबमाणो सो ॥ ५ ॥ रंभाभिरामपीवरमूरुजुयं कणयकमलकंतिलं । थंभजुयलं व छज्जइ विसयमहासोक्खभवणस्स ॥ ६ ॥ बहलालत्तयरसपिंजरं व मणिकुट्टिमंमि संकेतं । कमलोवहारसोहं चलणजुयं दावए तीसे ॥ ७ ॥
एवंविहा य वरजोगत्तिकाऊण सा सव्वालंकारविभूसियसरीरा भद्दाए पेसिया पिउणो पायवंदणत्थं, गया चेडीचक्कवालपरिवुडा निवडिया नरिंदचलणेसु पेच्छिया संभमभरियच्छिणा सव्वायरं रण्णा पणयाला पुरस्सरं च आरोविऊण तमुच्छंगे रूयेण जोव्वणगुणेण य वाढमक्खित्तचित्तो विचितिउमाढतो - अहो सुरसुंदरी रुवाइसय पराभवकरं रूवं अहो सव्वावयवसुंदरं लायण्णं अहो सरयचंदचंदिमानिम्मलं कंतिपडलं, अहो वेणुवीणाविजइणी वाणी, सव्वहा भुयणच्छेरयभूयमिमीए किंपि विलसियं, नूणं पुवं एरिसं न निम्मियं खत्तियकुले कन्नगारयणं परमेसरेण
For Private and Personal Use Only
प्रजापतिस्वरूपम्.
॥ ४१ ॥
