________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ग्गमोगाढो जत्थ सो विसाहनंदीकुमारो पिउच्छाए रण्णो अग्ग महिसीए धूयापरिणयणत्थं पुत्रमावासिओ चिट्ठइत्ति । अह तं मुनिं दद्दूण जायपञ्चभिण्णाणेहिं पुरिसेहिं भणिओ विसाहनंदी कुमारो, जहा-सामी ! मुणह तुम्हे एवं पवईयगं ?, सो भणइ सम्मं न जाणामि, तेहिं भणियं- कुमार ! एसो सो विस्सभूई कुमारो जो पुत्रिं पवइओ, तं लक्खिऊण | जाओ तस्स पुव्वामरिसेण कोवोत्ति, एत्थंतरे सो तबस्सी तंमि पएसे वचमाणो इरियासमिवक्खित्तचित्तत्तणेण अतकियमेव पणोलिओ अहिणवपसूयाए गावीए, पडिओ य निसट्ठो धरणीए, ताहे तेसिं विसाहनंदिप मुहपुरिसेहिं दहूण तं तहानिवडियं संजायगाढहरिसेहिं कओ सिंहनाओ अप्फोडिया तिवई दिन्नाओ तालाओ पारद्धो कलयलो, भेणियं च महया सद्देण भो भो कत्थ गयं तमियाणि कविट्ठफलपाडणवलं जेण गोमेत्तेण विनिवाडिओऽसि ?, इमं च | निसामिऊण वलियकंधरो विस्सभूई जाव विष्फारियलोयणो अमरिसेण पलोएइ ताव दिट्ठा विसाहनंदिमुपहा पञ्चभिण्णाया य, तयणंतरं च पलीणो से उवसमपरिणामो ववगओ विवेओ समुच्छलिओ महाकोवो समुल्लसियं वीरियं, धाविऊणय सा गहिया सिंगेसु गावी पडाइयव भमाडिया सीसोवरिं पक्खित्ताय धरणीए, भणिया य ते, जहा--रे रे दुरायारा! दुरुम्मुकपरकमा हीणा सव्वसो य विरहिया मं उवहसह, न मुणह जहा दुब्बलस्सऽवि पंचाणणस्स सिगा - लसहस्सेहिविन लंघिज्जइ परक्कमो, सुलहुयस्सवि विहंगरायस्स न तीरइ सोढुं भुयंगमेहिं चडुलचंचुप्पहारो, तहा| जइविहु निडुरतवकम्मकिसियकाओ वियाणिओऽहमिह । तहवि न रे ! तुम्हाणं लक्खेणवि अत्थि मम गणणा ॥ १ ॥
For Private and Personal Use Only
