________________
Acharya Shri Kailassagarsuri Gyanmandir
Shri Mahavir Jain Aradhana Kendra
www.kobatirth.org
इय भणिए गाढोवरोहेण दिण्णो आएसो राइणा कुमारस्स, पणामपुव्वयं पडिच्छिऊण दवावियं तेण पयाणयं, चलियं चाउरंग सेन्नं, कहं चिय?
गंडस्थलपगलंतुग्गदाणधारंधयारियदियंता । चलकन्नतालवाडियमयगंधायद्वियदुरेहा ॥ ४६॥ अइघोरघोसगलगजिविहियखीरोयमहणसंकासा । उजलताराभरणा गयणाभोगव भासंता ॥४७॥ कयलीवणकयसोहा गेरुयरसलित्तवियडकुंभयडा । जंगमया कुलसेलब पत्थिया हत्थिणो सिग्धं ॥४८॥ चलिया य पवणवेगा खरखुरसिहखणियखोणिणो तुरया । फेणुग्गिरणमिसेणं जसं व कुमरस्स वियरंता ॥४९॥ करकलियकुंतकोदंडसेल्लभल्लयसुतिक्खकरवाला । सन्नद्धवद्धकवया पयंडभुयदंडबलकलिया ॥ ५० ॥ नियसोंडीरिमवसओ रिउसेन्नं जरतणं व विगणिता। सपहुप्पसायपरवसहियया जीएऽवि निरवेक्खा ॥५१॥ पइखणविमुक्कहक्कारपुक्कारक्करिसतुट्टसन्नाहा । गेहनियत्तियदइया चलिया दप्पुब्भडा सुहडा ॥५२॥ बहुविहपहरणभरिया रहनिवहा घणघणारवरउद्दा । सबपहेसु पयट्टा पवणुदुयधयवडाडोवा ॥ ५३॥ इय चातुरंगसेन्नं नरवइवयणेण वढियाणंदं । मुणिदाणजायपुन्नं व कुमरपासं समल्लीगं ॥ ५४॥
तओ भजतो गिरिसिहरावबद्धमहल्लभिल्लपल्लीओ निभच्छंतो जणवयविद्दवणवद्धलक्खं चरडपक्खं अवलोयतो नगनगरगामारामरमणीयं महीमंडलं पडिच्छंतो मग्गे सामंतसमप्पियं विविहालंकारकरितुरयपमुहं पाहुडं पत्तो
AKARA%ACAKACA%AGARSA
For Private and Personal Use Only
