________________
Shri Mahavir Jain Aradhana Kendra
श्रीमहा० चरित्रे
२ प्रस्तावः
॥ २६ ॥
www.kobatirth.org
Acharya Shri Kailassagarsuri Gyanmandir
भणियं च तेण भद्दय ! सुणसु पुरा बिसयसलिलप डिहत्थं । अन्नाणमीणभीमं विसोत्तियालोलकल्लोलं ॥ २४५ ॥ निलजिम जलवेलाविलासमवसत्तदुत्तरावत्तं । पावविकपणपंकं निस्संखपवंचसंखउलं ॥ २४६ ॥ अभिमाणघोरघोसं पयंडकंदप्पवाडवग्गिसिहं । दोसघणपडलकिन्नं तारुण्ण महन्नवं पत्तो ॥ २४७ ॥ तीहिं विसेसयं । तवसेण य परिचत्तसगिहसंवासो दूरुज्झियसयणबंधवो परमतावसो इव विसहृकंदो नयणासु पवरपओहरासु महाभोगसालिणीसु समुल्लसंत कल्लोल बाहुविलासासु हंसगाणुसरियपयकमलासु सालसकुलकलवासु सरसीव सुंदरासु विलासिणीसु कयाभिरई समाणो एगया अणंगसेणाभिहाणाए बेसाए समं वुत्थो बहुं कालं, तदणुरागवसेण य पवरभूसणदाणेण अणवरयमहा मोलदोगुलसमप्पणेण तंबोलफुलविलेवणोवणयणेण य निदुवियं पियापियामहपमुहपुरिसज्जियं दविणजायं, जाओऽहं निद्धणचंगो, मुणिओ दाइगाए, तओ निप्पीलियालत्तयं व पयत्तपीयवारुणीचसगं व भुत्तावसेस भोयणं व तेहिं तेहिं अवमाणकारणेहिं परिचत्तो म्हि तीए, तयणंतरं निग्गओऽहं वेसाधराओ, गओ नियगेहे, दिट्ठे च तमणेगच्छिदसयसंकुलं पञ्भट्टपुवसोहं मसाणं व भयजणगंति, तओ महाविसायाभिभूओ पयट्टो देसियालिए, गच्छंतेण य पइदिणं एगत्थ सुन्नसन्निवेसे दिहं भूमिनिवडियं रक्खावलयं, गहिउं मए विहाडियाओ निविडजउज डियाओ रक्खागंटिओ, दिहं च एगस्स मज्झनिहित्तं लिहियपवरक्खरं भुज्जखंडं, वाइयं च कोऊहलेण, - परिभाविओ य तल्लिहियगामनामदिसाभागलंछणसमेओ रयणकोडिप्पमाणनिहाणवइयरो, हरिसियमणेण संगो
For Private and Personal Use Only
स्थावरभवः परिव्राजकता.
॥ २६ ॥
