________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
-
जहागयं । अह अवसरं मुणिऊण पुच्छियं राइणा-भयवं! पुरा अमच्चेण जं अम्ह कहियं तं सचमलियंवा ?, भयवया भणियं-अलियं, राइणा भणियं-भयवं! किमेवंविहं तेणाकजमायरियं?, भयवया जंपियं-भो महाराय! भोगत्थिणो रजत्थिणो परिवारत्थिणो पाणिणो किं किं पावं न करेंति ? किं वा मायामोसं न पयोति? अहवा को तस्स दोसो?, पुवकयकम्माण चेव विलसियमिमं, सो पुण निमित्तमत्तं चेव वरागो, राइणा जंपियं-भयवं! किंमए पुत्वभवे एवंविहं पावमायरियं जस्स अणुभावेण अच्चंतवल्लहस्स सुयस्स सहसच्चिय विणासं पडिवन्नो?, ताहे जह पुत्वभवे महिलादोसेण दोसपरिहीणं । मित्तं विणासिऊणं समजियं पावमइगरुयं ॥१॥ जह नारयतिरियभवेसु भूरिसो पाविऊण जरमरणे। कह कहवि माणुसत्ते लद्धे विहिए य बालतवे ॥२॥ इह संपत्ते रजे जह मित्तविणासकम्मदोसेणं । जाओ पुत्तविणासो तह सवं भयवया कहियं ॥३॥
इमं च सोचा जायगाढभवभओ हरिवम्मराया भणिउं पवत्तो-भयवं जइ पाणाइवायस्स एवंविहो असुहो सहावो ता पजत्तं मम रजेण, गिण्हामि तुह समीवे पवजं जाव अभिसिंचेमि कमवि अत्तणो पर्यमित्ति वागरिऊण गओ नयरिं, निवेसिओ निययरजंमि भाइणेजो, सो य अमच्चो नाओ जहा पलाणोत्ति । तओ मोत्तूण य रायसिरिं हरिवम्मनराहिवो अणगारियं पडिवन्नोति ॥
इय भो गोयम! एसो पाणिवहाविरइमंतजंतूणं । पाउन्भवइ महंतो अणत्थसत्थो जओ तम्हा ॥१॥
CLACHARACTREAM
For Private and Personal Use Only
