________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
KARESAMAVASALAM
इकडमंचए निवडिऊण ठिओ एसो असंसेपि दिवस, वासरंते य अत्थाणीगएण राइणा अमचं अपेच्छंतेण पुच्छिओ।
पडिहारो-अरे! किं निमित्तं न आगओ अज्ज अमचो ?, तेण कहियं-देव! न मुणेमि सम्मं, राइणा भणियं-सयंपि गेहं गंतूण अमचं पुच्छसु अणागमणकारणं, तओ जं देवो आणवेइत्ति भणिऊण गओ पडिहारो, दिट्ठो जरसिकडावडिओ सामवयणो अमचो, पुच्छिओ य अणेण-अमच ! किमकांडे चिय एवंविहमवत्थंतरमुवागओ सि ?, साहेसु। कारणं, तुह अणागमणेण परितम्मइ नराहिवोत्ति वुत्ते दीहं नीससिऊण भणियममचेण-भो पडिहार! किं निरत्थएण पुषवुत्तविकत्थणेण ?, एत्तियमेत्तमेव संपइ जंपियवं
जस्स पसाएण समग्गलोगपुजत्तणं समणुपत्तं । लच्छी चिरमुवभुत्ता तस्सवि हरिवम्मदेवस्स ॥१॥ सुणिऊण असवणिज विणाससंसूयगं तहावयणं । कि अजवि निलजं जीवियमहमुवहिस्सामि? ॥२॥
इमं च गाहाजुयलमुल्लविऊण पडेण वयणं समोच्छाइऊण ठिओ मोणेणं अमचो, अह परमत्थं अवियाणमाणेण पडिहारेण पुट्ठो परियणो-अहो किमेवममच्चो वाहरइ ?, तेहि भणियं-पडिहार! अज उजाणगएहिं अम्हेहिं अ-| मञ्चेण य गयणवाणी निसुणिया जहा देवो पुत्तदोसेण मरिहित्ति, तदायन्नणाणंतरमेव अमचो अपणो विणासं कुणमाणो महया किलेसेण निसिद्धो मरणभुवगमेण य अजवि भोयणं न कुणइत्ति, इमं च सोचा पडिहारेण भणियंअहो ! अकित्तिमा पहुभत्ती, अहो! असरिसं कयनुत्तणं, अहो! ससरीरनिरवेक्खयत्ति, धुवं धन्नो एस हरिवम्मराया
AAAAAAGARAASARAN
For Private and Personal Use Only
