________________
Shri Mahavir Jain Aradhana Kendra
www.kobatirth.org
वणसइपवणानलसलिलपुढ विजाईसु विविहभेयासु । कालमसंखं वसिउं अकालमरणेण सो मरिही ॥ ११ ॥ इय उम्मड नियदुवरियजलणजालाकलावसंतत्तो । तं किंपि नत्थि दुक्खं जं पाविस्सइ न स वरागो ॥ १२ ॥
Acharya Shri Kailassagarsuri Gyanmandir
एवं च अणेगभवुम्मज्जणनिमज्जणाई काऊन कहकहवि समासाइयथेवकम्मविचरो सो गोसालगजीवो रायगिहे नयरे वाहिं वेसित्थित्ताए उववजिही, तत्थवि चिरभवसा हुव हसमुत्थनिकाइयक्रम्माणुवत्तणवसेण रयणीए पसुत्ता चैत्र एगेण विडपुरिसेण आभरणलिच्छुणा निसियखग्ग घेणुनिद्दयनिद्दारियउदरा मरिऊण पुणोऽवि रायगिहस्संतो वेसित्थियत्ताए उववज्जिऊण विवज्जिही । तओ जंबुद्दीवे दीवे भारहे वासे विंझगिरिपायमूले बिभेलए सन्निवेसे माहणकुले दायित्ताए पञ्चायाही तं च कालकमेण उम्मुकबालभावं अम्मापियरो समुचियस्स एगस्स माहणपुत्त रस य भारियत्ताए पणामइस्संति, अन्नया य सा गुबिणी ससुरकुलाओ पियहरं निजमाणी अंतरा समुच्छलियपवलदावानलजालाकलावकवलिया कालं काऊण अग्गिकुमारेसु देवेषु देवत्ताए उववजिही, तत्तो य चविऊण माणुसत्तणेण समुप्पन्नो समाणो तहाविहसुगुरुदंसणसमुवलद्ध सधनुधम्मवोहो भववेरग्गमुहंतो पवजं पडिवज्जिही, कहिवि पमायवसेण विराहियसामण्णो य असुरकुमारेसु देवेसु उववजिही, एवं कइवयभवगहणाई पुणो पुणो विराहियसामन्नो असई भवणवासिदेवेसु जोइसिएसु य सुरसंपयं समणुभविऊण पुणो समुवलद्धमाणुसत्तो अइयारकलंकपरिहीणं पञ्चजं समायरिऊण सोहम्मे देवलोए देवो होही, एवं सत्त भवे जाव निक्कलंकं सामण्णमणुपालिऊण
For Private and Personal Use Only
