________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
MR.
SASARSASARASEX
भारग्गसो य कुंभग्गसो य परिमलायड्डियफुलंधुयधूसरा पउमवुट्टी रयणवुट्ठी य भविस्सइ, चंदसूरदसणप्पमुहजम्मणमहूसवं काऊण य अम्मापियरो दुवालसमे दिवसे संपत्ते जम्मदिणाणुरूवं महापउमोत्ति से नाम करिस्संति, अह समुचियकाले अहिगयकलाकलावं तं सोहणमि तिहिनक्खत्तमुहुत्तंमि महया रायाभिसेएणं अभिसिंचिहिन्ति, तओ सो अक्खलियपरक्कमो पयंडपयावपडिहयपडिवक्खो अहमहमिगाए पणमंतनरिंदसंदोहमउलिमालालालियचलणो महाराओ भविस्सइ, तस्स य महापउमस्स विजयजत्तमुवट्ठियस्स पुन्नभद्दमाणिभद्दनामाणो दो देवा महड्डिया महापरकमा सेणाकम्मं करिस्संति, ते य राईसरसेणावइमंतिसामंतपमुहा पहाणजणा एवंविहं वइयरमुवलब्भ पहरिसुस्ससियरोमकूवा महापउमस्स रण्णो गुणनिप्फरणं देवसेणोत्ति दुइजं नामधेयं निम्मविस्संति, अण्णया य तस्स रणो सरयससहरधवलं चउइंतं सत्तंगपइट्ठियं लटुं हत्थिरयणमुप्पजिही, तम्मि य सो समारूढो एरावणपट्टिडिओच पुरंदरो उवसोभेमाणो इओ तो परिभमिस्सइ, तयणंतरं पुणोऽवि ते राईसरादओ जणा नियपहुसिद्धिपलोयणु-18 प्पन्नपमोयभरतरलिया तस्स राइणो विमलवाहणोत्ति तइयं नामधेयं पइद्विसंति । अह अन्नया कयाई तस्स रजभरमणुपालिंतस्स पुत्वभवभत्थतवस्सिजणविणासहीलणप्पमुहाणत्थपञ्चइयकम्मदोसेण समणसंघोवरि बाढं प-12 ओसो समुप्पजिही, तो सो सधम्मकम्मुजएऽवि एगे तवस्सिणो हणिही । अन्ने पुण बंधिस्सइ विविहपयारेहिं बंधेहिं ॥१॥
RACCRACC
For Private and Personal Use Only
