________________
Shri Mahavir Jain Aradhana Kendra
Acharya Shri Kailassagarsuri Gyanmandir
www.kobatirth.org
AGRUKRABASE-
CLAS
मिक्खाकाले छट्टपारणयं काउकामो भयवओ अणुण्णाए पविट्ठो भिक्खटुं गोयमो पुरीए, तहिं च तियचउक्कचचरेसु गोसालो जिणो सवन्नत्ति परोप्परं जपंतं जणं निसामिऊण जायसंसओ भिक्खं घेत्तूण पडिनियत्तो, जहाविहिं भुंजिऊण जायमि पत्थावे समागए पुरीलोए सामि पुच्छिउं पवत्तो-भयवं! एत्थ जणो गोसालं जिणं सवन्नु च परिकित्तेइ तं किं घडइ मिच्छा वा ?, भगवयाभणियं-भो देवाणुप्पिया ! गोसालो मंखलिपुत्तो अजिणो जिणप्पलावी मए चेव पवाविओ सिक्खं च गाहिओ ममं चेव मिच्छं पडिवन्नो, अओन सच्चन्न न य जिणो हवइत्ति, एवं सोचा पुरीजणो मुणियपरमत्थो |पडिनियत्तिय नयरीए सिंघाडगतिगचउक्कचचरेसु अन्नमन्नस्स सविम्हयं परूविउमारद्धो-अहो भयवं! महावीरो समुप्पन्नदिवनाणदंसणो एवं भासइ-एसो गोसालो मंखलिपुत्तो अजिणो जिणप्पलावी, अहं जिणोति मिच्छं संलवइत्ति, इमं च कनपरंपराए सोचा गोसालगो अचंतकोववसफुरंतओट्ठउडो आजीवियसंघपरिवुडो अमरिसमुचहतो अच्छइ । इओ य-भगवओ महावीरस्स अंतेवासी आणंदो नाम थेरो अणिक्खित्तछ?तवकम्मकरणपरो पारणगंमि3/ पडिग्गहं गहाय निग्गओ गोयरचरियाए, उच्चावएसु य गिहेसु भिक्खं परिन्भमंतो तीसे हालाहलाए कुंभकारीए कुंभकारावणस्स अरेण गंतुं पवत्तो, तं च दट्ठण गोसालो भणइ-भो आणंद ! इओ एहि, निसामेहि दिटुंतमेगंति, इमं च एवमायन्निऊण समागओ आणंदसाह, भणिओ य गोसालेण-भो आणंद ! इओ चिरा समइकंताए अद्धाए केइ अत्यत्थिणो वाणियगा नाणाविहमंडविच्छाभरिएणं सगडीसगडेणं सुबहुँ भत्तपाणपत्थयणं गहाय एगं महंत
4%AGESSAGESSA%
EX
For Private and Personal Use Only
