________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अन्नेsविहु नरवइदंडनाह सामंत मंतिपमुहजणे । पडिबोहिऊण पुणरवि कोसंबिं आगओ सामी ॥ ७ ॥ तहियं समोसदस्सा चरिमाए पोरिसीऍ जयगुरुणो । विम्हइयजीवलोयाई फालिआई विमाणाई ॥ ८ ॥ साहावियाई पचख दिस्समाणाणि आरुहेऊण । ओयरिया भत्तीऍ वंदणवडियाए ससिसूरा ॥ ९ ॥ तेसिं विमाणनिम्मलमऊहनिवहप्पयासिए गयणे । जायं निसिंपि लोगो अवियाणंतो सुणइ धम्मं ॥ १० ॥ नवरं नाउं समयं चंदणवाला पवत्तिणी नमिउं । सामिं समणीहिं समं निययावासं गया सहसा ॥ ११ ॥ सा पुण मिगावई जिणकहाए वक्खित्तमाणसा घणियं । एगागिणी चिय ठिया दिणंति काऊण ओसरणे ॥ १२ ॥ बोलणे खणमेते साई विमाणाई आरुहित्ताणं । ससिसूरेसु गएसु वियंभिए स्यणितिमिरभरे ॥ १३ ॥ समणीओ समीवंमी अपेच्छमाणी य सा महासत्ता । पगया पडिस्सयंमी पवत्तिणीए य तो भणिया ॥ १४ ॥ तुम्हारिसीण सुकुलुग्गयाण जुज्जर किमेवमायरिडं १ । एगागिणीवि य तुमं जंसि ठिया एत्तियं रयणिं ॥ १५ ॥ पडिवज्जिय तक्षणं भुज्जो भुज्जो सदुचरीयाई । निंदंतीए तीए उप्पन्नं केवलं नाणं ॥ १६ ॥ अह - पयलायंतीए पवत्तिणीऍ सप्पं पलोइयं इंतं । संधारगंमि हत्थो ठविओ तीए धराहिंतो ॥ १७ ॥ निदावगमे पुच्छा अहिकहणं नाणबुज्झणऽणुतावो । निहयघणघाइकम्मा पवत्तिणी केवलं पत्ता ॥ १८ ॥ इओ य-उप्पन्नसंसओ पढमगणहरो पणमिउं जिणं भणइ । किमवद्वियावि भावा विवरीयत्तं पवज्जंति १ ॥ १९ ॥
For Private and Personal Use Only
