________________
Shri Mahavir Jain Aradhana Kendra
www.kobatirth.org
कुवियप्पा उलहिययत्तणेण असदहिऊण तेण पुचबुग्गाहिएण नियसमणसमणीसंघेण परिवुडो पुरनगराइसु नियदंसणाभिप्पायं परूवयंतो विहरइ, वित्थरिया सवत्थ एसा संकहा जहा जमाली भगवओ मिच्छं पडिवन्नोति ।
अन्ना य सो विहरमाणो पुणो गओ सावत्थि नयरिं, ठिओ य एत्थ उज्जाणे, पियदंसणावि अज्जियासह स्सपरिवारा महिडियस्स ढंकाभिहाणस्स कुंभकारस्स आवणे आपुच्छित्ता ठिया, सोय ढंको जिणवयणभावियप्पा जाणइ जहा एयाणि मिच्छत्तमुवगयाणि, जिणवयणं न पत्तियंति, अओ जइ कहवि वोहिजंति तो सुद्ध लठ्ठे हवइत्ति । अन्नया य मंडयाई उच्चत्तंतेण पडिवोहणत्थं पियदंसणासाहुणीए वत्थंमि पक्खित्तो एगो जलणकणो, तेण य दज्झमाणं वत्थं पेच्छिऊण तीए भणियं-भो महाणुभाव ! किमेयं तर कथं ?, पेच्छ मम पडगो दडो, तेण भणियं - अजिए! मा मुसं वयाहि, सङ्घमि चैव वत्थे निद्दहे एवं भणिउं जुज्जइ, एस किर तुम्ह संमयत्थो, अन्नहा दज्झमाणं दति जिणवरवीरवयणं चेव पडिवजिउं जुत्तं ।
एयं च तीए सोचा तक्कालुप्पन्नसुद्धबुद्धीए । भणियं सम्मं सावय ! मूढाऽहं बोहिया तुमए ॥ १ ॥ तइलोयतिलयभूयस्स भगवओ वद्धमाणसामिस्स । वयणं पावाए मए पडिकूलियमेत्तियं कालं ॥ २ ॥ जस्स वयणेण विहिओ घरचाओ संजमो य पडिवन्नो । सोवि जिणो न गणिज्जर, अहो महं मोहमाहप्पं ॥ ३ ॥ ढकेण तओ भणियं - भयवइ ! मा वहसु चित्तसंतावं । समणीजणपरियरिया वञ्चसु सचन्नुपासंमि ॥ ४ ॥
Acharya Shri Kailassagarsuri Gyanmandir
For Private and Personal Use Only
