________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ACCACCURRC
मज्जारोऽवि हु ससिमि मूसगं ठवइ गाढपणएण । वणसेरिहोऽवि तुरयं रसणाए ददं परामुसइ ॥१८॥ इय जत्थ निधिवेयावि पाणिणो तत्थ तियसनरनिवहा । उज्झंति मच्छरं जं परोप्परं तं किमच्छरियं? ॥१९॥ तइए पायारभंतरंमि देवाण विविहरूवाई । विजयपडायापयडाई संनिसीयंति जाणाई ॥ २० ॥ एत्थंतरंमि भुवणेकभाणुणा कलियसयलभावेण । वयणकिरणेहि मिच्छत्ततिमिरमवहरिउमारद्धं ॥ २१॥
इओ य पुवमेव जिणविहारनिवेयणवावारियपुरिसेहिं सामिसमागमेण वद्धाविओ नंदिवद्धणनराहियो, हरिसभरनिस्सरंतरोमंचेण य तेण दवावियं तेसिं चिंतियाइरितं पारिओसियं, भणिओ य संनिहियकिंकरवग्गो-अरे! सिग्छ संजत्तेह जयकुंजरं पगुणीकरेह तुरंगपट्टाई पयहावेह नयरसोहं उब्भवेह सबविजयचिंधाई आइक्खह आघोसणापुत्वयं नयरीजणस्स जहा सिग्धं पाउब्भवह कयमजणविलेवणा नियविभवाणुरूवजाणजपाणारूढा नरिंदसमीवं जेण बंदिजइ महावीरोत्ति भणिए जं देवो आणवेइत्ति पडिवजिऊण संपाडियं नरिंदसासणं, समुवणीओ जयकुंजरो, समारूढो य नरिंदो, पुरजणेण परियरिओ पयट्टो भयवओ अभिमुह, तओ छत्ताइच्छत्ते पेच्छिऊण पमुक्करायचिंधो परेणं विणएणं जयगुरुं विनवे पवत्तो । कहं -
गयणंगणं व ससहरविवज्जियं नाह ! एत्तियं कालं । नयरमिमं तुह विरहे पणट्ठसोभं ददं जायं ॥१॥ अहमवि तुम्हऽणुवित्तीए नूण चत्तो न रायलच्छीए । अन्नह तुमए रहियस्स नाह! का जोग्गया मज्झ! ॥२॥
For Private and Personal Use Only
