________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
C
BACHERSARAM
दूरं उन्नामिऊण भणिउं पवत्तो-भयवं! अवितहमेयं तब्भे वयह. ता अणगिण्हह अम्हे सदिक्खापयाणेणं, विरतात्तमिहि गेहवासाओ माणसं, भगवया भणियं-जुत्तमेयं भवारिसाणंपि, तओ कयकिच्चमप्पाणं मन्नंताई उत्तर
पुरस्थिमदिसिसमुज्झियभूसणकुसुमदामाई निबत्तियपंचमुट्टियलोयकम्माई ताई तिपयाहिणादाणपुरस्सरं परमेसरं वदित्ता भणिउँ पचत्ताई-भयवं! जरामरणरोगसोगविप्पओगजलणजालाकलावकवलियाओ अम्हे एत्तो भवजरकुडीराओ नित्थारेसु सहत्थेण तुमं, तुह पयसरणमल्लीणो खु एसो जणो, इय भणिए भुवणगुरुणा सयमेव तेसिं दिन्ना दिक्खा, कहिओ साहुसमायारो परूविओ आवस्सयविही, एवं तकालोचियं सर्व विहिं देसिऊण भयवं अजचंदणाए पवत्तिणीए देवाणंदं सिस्सिणित्ताए पणामेइ, उसमदत्तं च थेराणं समप्पेइ, अह ताई निक्कलंकसमणधम्मपरि| पालणबद्धलक्खाई अपुवापुचतवचरणपरायणाई अहिएकारसअंगाई पजंतसमयसमाराहियसलेहणाई निवाणमहामंदिरारोहहेऊभूयं निस्सेणिपिव खवगसेणि आरुहिऊण पत्ताई दोनिवि सिवपयंमि ।
भयपि बद्धमाणो परिअरिओ गोयमाइसमणेहिं । हिययाहिंतोवि तमं अवणितो भवसत्ताणं ॥१॥ गामागरनगराइसु विहरंतो सिवपयं पयासिंतो। खत्तियकुंडग्गामे नयरम्मि कमेण संपत्तो ॥२॥ तत्थ य सुरेहिं रइयं चीतरुपयारगोयरसणाहं । ऊसियसियधयनिवहं जणसुहकरणं समोसरणं ॥ ३ ॥ बत्तीसपि सुरिंदा जिणमुहकमलावलोयणसतण्हा । विविहविमाणारूढा ओअरिया सुरपुरीहिंतो ॥४॥
CCCCCASSACROCCAS
For Private and Personal Use Only
