________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
--
जालमंडियमज्झभागेहिं कंचणनत्थापग्गहिएहि नीलुप्पलविरइयसेहरेहिं उलिहियसिंगेहिं लटुपुटुसरीरोहिं पवरगोणजुवाणएहिं संगयं संजत्तेह संदणं जेण गंतूण वंदामो जयगुरुं, जं सामी आणवेइत्ति भणिऊण निग्गया कुटुंबिया पुरिसा, पगुणीकओ रहवरो, समुवणीओ उसहदत्तस्स, तओ देवाणंदाए समेओ तमारुहिऊण पुरिसपरिवारपरिय| रिओ पयट्टो जिणाभिमुहं, पत्तो कमेण बहुसालयसमी, छत्ताइच्छत्तपमुहाइसयदसणेण य रहाओ पचोरुहिऊण |पंचविहेणं अभिगमेणं पविट्ठो समोसरणे, तिपयाहिणादाणपुच्चयं च पण मिऊण जिणं पहिट्ठमणो निविट्ठो भूमिपटे।
देवाणंदाऽवि भगवंतं पणमिऊण सविणयं उसहदत्तं माहणं पुरओ काऊण उद्धट्ठाणट्ठिया चेव सुस्सूसमाणी |भालतलारोवियपाणिसंपुडा पजवासिउमारद्धा, नवरं समयं चेव तीसे भयवं चक्खुगोयरसुवगओ तंसमयं चिय द्रवियसियवयणकमला हरिसुप्फुललोयणसंदमाणाणंदसलिला जलहरधारापहयकयंबकुसुमंपिव समूससियरोमकूवा,
थणमुहनिस्सरंतखीरधारा य जायत्ति, तं च तहाविहं पेच्छिऊण समुप्पन्नसंसओ गोयमसामी जयगुरुं पणमिऊण पुच्छिउं पवतो-भयवं! किं कारणं देवाणंदा अणिमिसाए दिठ्ठीए तुम्ह वयणं पेहमाणा नियसुयदसणाणुरूवा पेमपन्भारगम्भयमवत्थं पत्तत्ति?, भगवया भणियं-भो गोयम! देवाणंदा ममं जणणी, अहणं देवाणंदाए कुच्छिसंभवो पुत्तो, जओ सुरभवचवणाओ आरम्भ बायासी दिणाई इमीए गम्भंमि वुत्थो, अओ चिय पुसिणेहाणुरागेण एसा अमुणियपरमत्थावि एवंविहं संभममावन्ना।
+
४४ महा.
For Private and Personal Use Only
