________________
Acharya Shi Raassaga
Gyan
www.kobatirth.org
Shri Mahavir Jain Aradhana Kendra
ACCRACCAUSA
थूभं रयावेइ, बाहुबलिपमुहाण य नवणउईए भाउगाणं अण्णाणि नवनउइ धूमाणि निवत्तावेइ, तहा भगवओ निब्वाणलाभप्पएसे तिगाउयउस्सेहं जोयणायाम सिंहनिसा(सेजा)इयं सव्वरयणविणिम्मियनियनियवण्णप्पमाणोक्वेयचउवीसजिणपडिमाहिट्ठियं सुविभत्तसालिभंजियाभिरामतोरणाबद्धबंधुरामिलाणवंदणमालं दुवारदेसोभयपासपइट्ठियलठ्ठपुंडरीयपिहाणपुण्णकणयकलसं सरसपंचप्पयारपुप्फपुंजोवयारकलियं कालागुरुकुंदुरुक्ककप्पूरपमुहवत्थुसिद्धधूयधूमधयारियदिसाहोयं अणेगतियसंगणाजणुत्वालकरतालपुरस्सरदिजमाणरासयं भत्तिभरनिभरगायतकिंनरनियरं दूरदेसा गयविजाहरचारणमुणिजणविचित्तथुइथोत्तखबहुंतहलबोलं पइट्ठियलोहमयजंतदुवारपालं जिणभवणं कारावेइ । जं च-संसारोयहिनिवंडतसत्तसंताणजाणवत्तं व । रेहइ पवणुदुयधवलधयवडाडोवरमणिजं ॥ १५२ ॥
इक्खागुकुलुभवभूवकित्तिकूडं व संठियं पयर्ड । सोहइ महीऍ केलाससेलसमसीसियाएव्व ॥ १५३ ॥ पवणपणोल्लिरजलहरपडलाउलसिहरपरिसराभोगं । परिभमिरभमरनियरं विरायए कुमुयमउलं व ॥ १५४ ॥ मन्ने पवणपणोल्लिरएयमहदयपलोयणेण जणे । पवयसिरनिवडिरगयणसरियकित्तीफुडं जाया ॥ १५५॥
भरहनरिंदनिवेसियजिणमंदिरदसणाणुसारेणं । सेसजणोऽवि पयट्टो जिणबिंबाईण कारवणे ॥ १५६ ॥ जुत्तं च एयं, जेण- .
एयं खु दुग्गइदुवार(पिहाण)फलिहोवमं जिणा विति । नीसेससत्तसंताणताणदाणेकहेउं च ॥ १५७ ॥
For Private and Personal Use Only
