________________
Shri Mahavir Jain Aradhana Kendra
www.kobatrth.org
Acharya Shri Kailassagarsuri Gyanmandir
सुमिणेवि अदिट्ठभया नियनियभवणोदरेसु य निलुक्का । विलसंतु सुरसमूहा मम पयपणइप्पसाएण ॥२॥ अणुरूवपइसमागमपमोयभरनिस्सरंतपुलइल्ला । सुरपुरलच्छी वच्छत्थलंमि कीलउ जहिच्छं मे ॥३॥ अहवा किमित्तिएणं ?-मम बाहुपंजरंतरमल्लीणं तिहुअणंपि नीसेसं। आचंदकालियं वसउ मुक्कपरचक्नभयसंकं ॥४॥ इय ताव कुण पणामं सुरिंद ! नो जाव उत्तिमंगंमि । मोडियमउडकडप्पं निवडइ निबिडं फलिहरयणं ॥५॥ असमिक्खियनियभुयविकमो तुम जुज्झिउं मए सद्धिं । रंभातिलुत्तमाईण कीस वेहवमुवणेसि ? ॥६॥ पढमं चिय कीरंते नयंमि नो दिति दूसणं कुसला । कहविहु कजविणासे पच्छायावोऽवि नो होइ ॥ ७॥
एवं च असमंजसपलाविणं चमरमसुरिंदं निसामिऊण हेलाए तिवकोवभरउकुटुभिउडिभंगुरियभुमयभीसणपलोयणेण भणियं पुरंदरेण-रे रे दुरायारसिरसेहर दूरपरिमुक्कमेर चमरासुराहम दुचिट्ठिमामित्तवित्तासियतियससत्थ! पत्थेसि नूणमियाणिमपत्थणिजं १, कहमन्नहा तुहेहागमणविसओ संभविज्जा, ता रे वारणोच ससरीरसंभवेण दसणा-15 इणा सुरहिष केसकलावेण सारंगोव कत्थूरिगाए चंदणतरुव सोरन्भेण भुयंगमोब फणारयणेण एस तुमं नियदप्पेण पणामिज्जसि विणासगोअरंति भणिऊण सिंहासणगएणं चिय सुरिदेण सुमरियं वजं, तं च सुमरणाणतरमेव उक्कासहस्साई विणिम्मुयंत जालाकलावं निसिरंतं जलणकणकोडीओ विक्खिरमाणं फुलिंगमालासहस्सोहि चक्खुविक्खेवमुप्पाएमाणं असेसहुयवहनिवहनिम्मियं व सयलसूरकरनियरविरइयं व समग्गतेयलच्छिविच्छइसपिंडणुप्पाइयं
SA%AAAAAAAAAAABAR
For Private and Personal Use Only
