________________
Shri Mahavir Jain Aradhana Kendra
www.kobatirth.org
Acharya Shri Kallassagarsuri Gyanmandir
शकेन्द्रादीनां
श्रीगणचंद महावीरच. ७ प्रस्तावः ॥२३८॥
तिरस्कारः.
MICROCALCUSSOORANSESS
चमरिंदो पुण एर्ग चरणं पउमवरवेइयाए अवरं च सुहम्माए सभाए ठविऊण फलिहरयणेणं महया संरंभेण तिक्ख तो इंदकीलं ताडिऊण सरोसं एवं भणिउं पउत्तो-भो भो तियसाहम! कहिं सो सगिहसच्छंदलीलाविलासलालसो असमिक्खियवत्थुसमत्थणवियक्खणो नियसोंडीरिमावगन्नियसेससुहडलोगो अदिढकुसलमेत्तसंभावियसमग्गवेरिवग्गविजओ पुरंदरो? कहिं वा अलियवियढिमावगणियजुत्ताजुत्तसमायारो सकजपसाहणामेत्तपयासियसामिसेवापराओ ताओ चउरासीई सामाणियसाहस्सीओ ? कत्थ वा निष्फलकलियविविहपयंडपहरणाडंबराओ चत्वारि ताओ |चउरासीओ आयरक्खदेवसाहस्सीओ? कहिं चा उत्तुंगगिरिसिहरदलणदुल्ललियं तमियाणि कुलिस ?, कत्य वा ताओ अप्पडिमरूवलायन्नमणहराओ अणेगाओ अच्छरकोडीओ? अरेरे मा कजविणासंमि भणिस्सह जहा चमरचंचाराइणा अमुणियपयप्पयारेण छलेण विणिहया अम्हे, एसोऽहं संपयं तुब्भे अणाहे जरतरुंव निम्मूलमुम्मूलेमि सक्क-15 रालेढुंव फलिहरयणेण चूरेमि, किं बहुणा?, जुगवमेव सरणविरहिए कीणासवयणकुहरे पक्खिवामि, कुणह जमिह कायचे सरेह सरणिजं मग्गह सजीवियसंरक्खणोवायं, अहवा दूरुनामियउचिमंगादंसियसम्भावसारा समप्पह सुरलोयसिरिं, किं निरत्थयमुचहह पुरंदरपक्खवायं, पयडोचिय एस ववहारो- चिरकालपरिपालियावि कुलंगणा कालंतरेऽवि नूणमणुसरइ पाणनाहं । अन्नं च__ अववइणव पुरंदर ! मह विरहे जंतए इमा भुत्ता। विणयपणयस्स तं पुण तुह सबमहं खमिस्सामि ॥१॥
॥२३८॥
For Private and Personal Use Only
