________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
SANSARMSSSSSSSC
अपरिमियदवसंचओ पूरणो नाम गाहावई परिवसइ, सो य सम्मओ सयणवग्गस्स वल्लहो नरिंदस्स चक्खूभूओ| पयइवग्गस्स हिययनिविसेसो धम्मियलोयस्स उभयलोयाविरुद्वेगं ववहारेगं कालं वोलेइ । अनया य पच्छिमरयणीसमयंमि सुहसिजागयस्स निहाविगमुम्मिल्लमाणनयणनलिणस्स जाया से चिंता, जहा__ पुषभवे नृण मए दाणं दिन्नं तवं च आयरियं । तस्स पभावेणेसा मणवंछियकजनिप्फत्ती ॥१॥ तहाहि-नरवइसम्माणेणं धणेण धन्नेण कोसविभवेण । पुत्ताइपरियणेण य पइदियहमहं पवहामि ॥२॥ पडिकूलोवि हु लोगो दंसणमेत्तेऽपि होइ अणुकूलो। अनिवारियपसराविहु निवडंति न आवया मज्झ ॥३॥ ता जावऽजवि पुवजियस्स कम्मस्स कुसलरूवस्स । विजइ थेवोऽवि लवो जावऽजवि उज्जमो अत्थि ॥ ४॥ जाव जणे सम्माणो जाव य रोगादओ न दुर्मिति । जाव न विहडइ सरयम्भविन्भमा निच्छियं लच्छी ॥५॥ जाव न जजरइ जरा जाव न जायइ पिएण सह विरहो। आणानिदेसम्मि य जावजवि वट्टइ कुटुंबं ॥६॥ ताव पुणोषि हु धम्मं परभवसुहसाहगं उवचिणेमि । नहु कारणविरहेणं कजं उप्पजति कयावि ॥७॥ धम्मपभावो एसो जं किर साहारणेऽवि मणुयत्ते । एगे करेंति रजं अन्ने ते चेव सेवंति ॥ ८॥ तम्हा सूरम्मि समुग्गयंमि मुंजाविउं सयणवग्गं । ठविउंच गिहे पुत्तं तावसदिक्खं पवजामि ॥९॥ इय चिंतियंतस्स उग्गओ दिवायरो, तओ निमंतिओ सयणवग्गो काराविओ परमविच्छडेगं भोयणं संमाणिओ
CROCKSCRECASSRCICIA
४० महा.
For Private and Personal Use Only
