________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
एत्यंतरंमि भणियं जिणेण संगगय ! मुंच मम तत्ति । पत्यावे चिय अम्हे सकजकिरियासु वट्टेमो ॥ ३॥ इय सोउं जिणनाहं पणमिय परमायरेण संगमओ । अइपावभरकतोवि पढिओ सुरपुराभिमुहं ॥४॥ इओ य-सोहम्मे देवलोए तकालं सवे देवा देवीओ य उविग्गा निराणंदा निरुच्छाहा अच्छंति, सक्कोऽविय मुक्कविलेवणालंकारो समुज्झियपेच्छणयाइविलासो परिचिंतेह-अहो एत्तियमेत्तस्स भगवओ अणत्थसत्थस्स अहं मूलकारणं जाओ, जओ मम पसंसाकुविएण इमिणा सुराहमेण इमं महापावं ववसियंति, एत्यंतरे सयलतइलोयजी-18 वरासिविणासजणियपावपंकविलित्तोब नीसेसावजसपंसुपडलविलुत्तगत्तोष अकल्लाणावलीकलिओब पणट्ठपुवकंतिपन्भारो पडिभग्गपइन्नाविसेसुम्मिलंतलजाभरसंकुचियलोयणो संपत्तो सोहम्मसभाए संगमयाहमो । तं च दहण पुरंदरो ठिओ परंमुहो, भणिउमारदो य
भो भो सुरा! निसामह मम वयणं एस संगमयदेवो । चंडालो इव तुम्हं दहुंपि न जुज्जइ कयावि ॥१॥ एएण पावमइणा चिरमवरद्धं निराणुकंपेण । जं अम्ह पूयणिजो कयथिओ तिहुयणेकपा ॥२॥ जइ ताव इमस्स नत्थि पडिब्भयं भीमगुरुभवाहितो। ता किं ममवि न भीओ ववसंतो दढमकजमिमं? ॥३॥ जह जयगुरुणा निचलसामाइयगुरुभरो समुक्खित्तो। तह किं मएवि जं एस मज्झ संकेपि नो कुणइ ? ॥ ४ ॥ एएण जिणिंदऽवमाणणेण जणिओ पयंडपावभरो। तुम्हे पुण इत्थ ठिया पाविहिह इमस्स संगेण ॥ ५॥
For Private and Personal Use Only
