________________
Shri Mahavir Jain Aradhana Kendra
www.kcbatrth.org
Acharya Shri Kailassagarsur Gyanmandir
श्रीगुणचंद महावीरच० ७ प्रस्तावः
शक्रप्रशंसा संगमः प्रतिज्ञा.
॥२२७॥
CALAASARA
वायामेत्तेणवि तिहुयणपि कुविया खिवंति जमवयणे । निवडियगुणाण सुराण ताण को वहउ समसीसिं ? ॥१२॥ जइ सद्दहेसि एयं ता अच्छउ खोभिएण किं इमिणा? । अह नो ता पेच्छ जहा भग्गपइण्णं नियत्तेमि ॥ १३॥
इय भणिए पुरंदरो विचिंतेइ-अहो महापावपडलविलुत्तविवेओ सबहा एस, अओ जइ एत्थ पत्थावे निवारिजइ ता निच्छियं इमं परिकप्पेजा-सुरवइसामत्थेण एस भगवं तवोकम्ममविचलचित्तो कुणइ, न उण सत्तिएत्ति परिभाविऊण ठिओ मोणेणं । संगगयसुरोऽवि अतुच्छमच्छरमुबहतो निवारिजमाणोऽपि नियपहाणपरियणेण| केत्तियमेत्तो एस ? अजेव खोभेमि इमंति पइण्णं काऊण नीहरिओ अत्थाणीमंडवाओ, गओ भगवओ समीवं, तओ |दसणवसुप्पन्नगाढकोवेण विउविओ पलयकालोब पवलो धूलिनिवहो, तेण य चलणजुयलाओ आरब्भ जाव अ|च्छीणि सवणा य ताव पच्छाइओ, सामी जाओ निरुस्सासो, नवरि तिलतुसतिभागमेपि न चलिओ झाणाओ, अचलियचित्तं च नाऊण कओ अणेण कुलिसकढिणचंडतुंडभीमो पिपीलियासमूहो, सो य लद्धावयासो दुजणोव |जिणं विद्दविउं पवत्तो, किंतु निब्भग्गजणमणोरहोब जाओ निष्फलो, तओ दुन्निवारे सूइतिक्खमुहे उसे पेसेइ, | तेहिवि अखोभिजमाणे भुयणवंधवे घइलाओ चंडमुहमंडलाओ निवत्तेइ, ताहिवि खजमाणसरीरे निप्पकंपे जयनाहे |निम्मिया पिंगलसरीररुइणो अतुच्छपुच्छविसालिद्धकढिणकंटया विच्छुया,तेसुवि जहासत्ति कयप्पहारपडिहयसामत्थेसु पसरतमच्छरेणं विउविया दाढाकडप्पकराला नउला, तेहिंपि अभिभवियं भयवओ सरीरं, न उण ईसिपि सत्तं,
SCARRCCCCCX
॥२२७॥
For Private and Personal Use Only
