________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
*C
RORECASSES
णमणिलेझुकंचणो समसुहदुक्खो इहलोयपरलोयअप्पडिबद्धो जीवियमरणेसु निरवकंखी पुवजियकम्मसंघनिग्घायणहाए अभुडिओ विहरइ । किं च
एयं महाणुभावं नियधीरिमतुलियतिहुयणजणोहं । नो धम्मज्झाणाओ खमंति संखोहिउं केई ॥१॥ देविदा तियसा वा जक्खा रक्खा व खयरवग्गा वा । भूया महोरगा वा अणप्पमाहप्पजुत्तावि ॥२॥ अवि चालिज्जइ मेरू पल्ह त्थिजइ महीवि पायाले । ससिसूरविमाणाणिवि वलिणा केणवि दलिज्जति ॥३॥ अवि सोसिजंति महण्णवावि बहुमीणमगरभीमावि । न य भगवं चालिजइ झाणाओ तिहुयणेणावि ॥४॥ इय सोचा जायपयंडकोवदट्ठोट्ठभीमभिउडिमुहो । दोसाण संगमो इव संगमओ नाम गिवाणो ॥ ५॥ सुरवइसमाणविभवो तत्कालविमुक्कलजमज्जाओ । ववगयविवेयभावो सया अभवो भणइ सकं ॥६॥ सामि! किमेवं भण्णह निगाणमवि समणयं सुरसहाए । अहवा सच्छंदाविय सोहंति पहूण उल्लावा ॥७॥ सचं चिय सुविसुद्धा जइ होज इमस्स कावि चंगिमया । गिहपालणं विमोत्तुं ता किं पासंड मंडेज्जा? ॥८॥ गिहवासाओवि न धम्मकम्ममन्नं वयंति किर कुसला । कीवत्तणेण चत्ते य तंमि किं संसणिजमिह ? ॥९॥ वागरियं जं च तए झाणाओ एस सुरवरेहिंपि । नो तीरइ चालेउं तंपि न वोत्तुं खमं तुज्झ ॥१०॥ जे लीलाए चिय पाणिपल्लवे संठवंति भूवीढं। गुरुसिहरभरकंतं गोलं व तुलंति मेरुपि ॥ ॥ ११ ॥
For Private and Personal Use Only
