________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीगुणचंद
गुणवद महावीरच ६ प्रस्तावः
मातुर्वेश्यातो मोक्षः
॥२२१॥
AGRICSSOURCH
पारंभसमुल्लवियसवियारवयणविलिएण बाढममाया समाणा उत्तरिजेण वयणकमलमवगुंठिऊण दीहरुम्मुक्कपोकारं रोइऊण विलविउं पवत्ता । कहं चियहा पाव दइव निग्घिण निलजाणज! मुक्कमज्जाय!। किं अन्नो तह नाही विडंबणाडंबरपवंचे?॥१॥ जं कुलविलयामलिणत्तकारिणा उभयलोगदुद्वेण । वेसाभावे विणिम्मियऽम्हि सुकुलप्पसूयावि ॥२॥ तत्थवि न ठिओ तं एत्तिएण घडिअम्हि नियसुएणावि । हा हा गरुयमकजं सत्थेसुवि सुम्मइ न एवं ॥३॥ जइ पुर्व चिय पावेहिं तेहिं चोरेहिं विणिहया हुंता । ता किं असच्चमविगोवणिजमिममज पेच्छेज्जा ॥४॥ किं कूवयपक्खेवेण अहव उलंबणेण साहेमि । सासनिरोहेणं वा लहुं समुज्झामि अत्ताणं ॥५॥ एवं चिय मेरुगिरिदविन्भमाओ इमाओ दुक्खाओ। पावाए मज्झ नूर्ण होही संपइ परित्ताणं ॥६॥ इय दुस्सहदुहकरवत्तगाढफालिजमाणहियया सा । अइसुचिरं विलवित्ता निमीलियच्छी गया मुच्छं ॥७॥ तारिसं च दटूण वेसियायणेण सित्ता सीयलसलिलेण वीजिया दुगुलंचलेण संवाहिया पासवत्तिणा चेडीजणेण, कह कहवि लद्धयणा संभासिया अणेण-अम्मो! कीस तावसंभारमुवहसि ?, को एत्थ तुज्झावराहो ?, एसो ४|चिय सच्छंदाणिबद्धघडणविहडणरसिगो दइयो एत्थावरज्झइ जो विविहसंविहाणगनेवत्थेहिं नडं व विवसं माणुसं -विनडेइ, अच्चंतविरुद्धमवि वत्थु कारवेइ, अगम्मेणवि सह संगम संपाडेइ, ता उज्झसु संतावं पडिवजसु धीरत्तणं
॥२२१॥
For Private and Personal Use Only
