________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
गच्छरियाई, अणुगिण्हह नियदंसणदाणेण मम कुटुंबयंति, अचंतकोऊहलावलोयणसयण्हेण पडिवन्नं च कुमारेण । तयणंतरं सो कुमारं घेत्तूण उप्पइओ तिमिरुप्पीलसामलं गयणयलं, निमेसमेत्तेण पत्तो वेयडगिरिं पविट्ठो सभवणं, कया कुमारस्स महई भोयणाइपडिवत्ती ॥ सो य पुलिंदगो तत्थ जाममेतं पडिवालिऊण जाव कुमारो नागओ ताव वणनिगुंजेसु सुचिरं पलोइऊण दुहत्तो सगुहाए गओ ॥ कुमारोऽवि कणगचूडेण समेओ वेयगिरिपरिसरेसु सुरहि पारियायतरुमंजरी गंधुद्धरेसु विसमगिरितडनिवडंतनिज्झर झंकारमणहरेसु सविलासकिन्नरमिहुणसंगीय सदसुंदरेसु निकुंजदेसोवसोहिएसु विहरिउमारद्धो, अह परिब्भमतेण कोऊहलवियसियच्छिणा कुमारेण दिट्ठो एगत्थ सिलायले एक्कचलणावद्वंभनियमियसयलंगभारो उद्धसमुक्खित्तोभयभुयाजुवलो झाणवसनिसियनिचलपयंड मायंडमंडलुम्मुह लोयणप्पसरो निष्पकंपत्तणतुलियकुलाचलो पडिमा संटिओ एगो चारणसमणो, तं च दद्दूण अंतो विभियउद्दामहरिसवसपयट्टंतपुलयपडलेण कुमारेण भणियो कणगचूडो-भद्द। एहि एयस्स महामुणिस्स वंदणेण पक्खलियकलिमल अत्ताणं करेमोत्ति, विजाहरेण संलत्तं एवं होउ, तओ गया मुणिसमीचे, पणमिओ सविणयं, मुणिणावि जोग्गयं नाऊण पारियं काउस्सग्गं, उबविट्ठो समुचियट्ठाणे, अजवि मूलगुणट्टाणवत्तिणो एए इति परिभाविऊण भूणिया साहुणा - भो महाणुभावा! एयस्स निस्सारसंसारस्स सारमेत्तियं जं वीयरागेहिं करुणा परियरियंत करणेहिं देसिओ सहजत्तेण कीरइ धम्मो तस्स पुण मूलं अहिंसा, साय मज्जमंसनिसिभत्तपरिहारेण जहुत्ता संभवइ, तत्य
For Private and Personal Use Only
