________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
HARASADARSAGESCHUSARK
स्सिउकामा तुम्भे जे इमस्स सिद्धत्थनरवइसुयस्स सुरविसरपणयचलणस्स एवं उवसग्गं करेह, एयं च निसामि४|ऊण भयभीएहिं सबहुमाणं खामिऊण मुक्को खंडरक्खेहि जयगुरू, तं च ताओ वंदिऊण भावसारं गयाओ सट्ठा-17
गंमि । सामीवि तत्थेव कइवय दिणाई परिपालिऊण गोसालेण समेओ नीसेसनयरमंडलमंडणाए पिट्टिचंपापुरीए गंतण चउत्थं वासारत्तं उवसंपन्जइ, वीरासणलगंडासणाइनिसेजाहिं निरंतरं जावेइ चाउम्मासियं च महाखमणं करेइ, तस्स पजंतदिणमि य अन्नत्थपारणयं काऊण कयंगलसन्निवेसंमि वच्चइ, तत्थ य दरिद्दथेरा नाम पासंडत्था है सारंभा समहिला सपरिग्गहा सपुत्तनतुगाइसयणा परिवसंति, तेसिं च गेहपाडगस्स मज्झे सकुलकमागयदेवयासमद्धासियभंतरं विउलपट्टसालपरिक्खेवमणहरं समुत्तुंगसिहरोवसोहि देवउलमत्थि, तस्स एगंतकोणे समागंतृण सामी ठिओ पडिमाए, तदिवसं च मंदमंदनिवडंतजलतुसारवायं निरारियंतसिसिरमारुयं निवडइ महंत सीयं, तेसिं च पासंडत्थाणं तंमि दिणे जाओ महूसवो, तम्मि दिणे देवउले मिलिऊण सडिंभा सदारा भत्तीए गायंति यं नचंति य, तेऽवि तहारूवे दट्टण अविगणियभाविभओ गोसालो सोवहासं भणिउमाढत्तो
जत्थ गिहिणीसु पेमं झाणज्झयणेहिं सह महावरं । सुरयपवंचपरूवणपरायणाई च सत्थाई ॥१॥ जीवदयानामंपिवि न मुणिजइ जत्थ नूण सुमिणेऽवि । निब्भरमहरापाणंमि निचसो उज्जमो जत्थ ॥२॥ गाइजइ नचिजइ सबिलासं नियकुडंबसहिएहिं । को होज नाम एसोऽवि कोवि पासंडपरमत्थो ॥३॥
For Private and Personal Use Only
