________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
जाणंताविहु अइदुबसीलयं भाविरं अणत्थं च । गरुया पणएसु तहावि हुंति न परंमुहा कहवि ॥८॥
एवं च सामी तेण पडिवण्णसिस्सभावेण समेओ सुवन्नखले सन्निवेसे वचइ, तस्संतरे गोवाले बहुखीरं गहाय महतीए थालीए अखंडफुडिएहिं नवएहि सालितंदुलेहिं पायसमुवक्खडेंते पेच्छिऊण गोसालो भणइ-भयवं! दर्द छुहाभिभूओऽम्हि, ता एह एत्थ पायसं परिभुंजामो, अह सिद्धत्थेण चिरकाललद्धावगासेण भणियं-भद्द! मा ।
तम्मसु, एसा थाली अद्धसिद्धा चेव विहडीहि, ताहे सो नियदुट्ठसीलयाए तं वयणं वितहं काउमणो गंतूण ते गोवे दाभणइ-अरे एस देवजगो तीयाणागयजाणओ एवं कहेइ, जहा-एस पायसथाली अद्धसिद्धा चेव विवजिही, ता
पयत्तेण संठवेह, एवं च निसामिऊण ते भयभीया वंसदलेहिं तं पिढरं गाढं वेढिऊण रंधिउमारद्धा, अह पउरतंदुलपक्खेवविहसिया निमेसमेत्तेण फुट्टा थाली, पच्छा गोवेहिं जं जहा पावियं तीसे पायसालिद्धं कप्परं तं तहा
घेत्तूण परिभुत्तं, गोसालोऽवि कंदुकबिरालोच पेच्छमाणो विलक्खो चेव ठिओ सुट्ठयरं च नियइवायं पडिवन्नो, है अह सामी बंभणगामं गओ, तत्थ य गामे दोन्नि पाडगा, तेसु दो भायरो नंदउवणंदनामाणो सामित्तं कुणंति,
भुवणगुरूवि छट्ठपारणगंमि पविठ्ठो नंदपाडयंमि, दिट्ठो नंदेण, पडिलाभिओ दहिमिस्सेण वासियकूरण, गोसालोऽवि गओ इयरपाडयं, उत्तुंगपासायमवलोइऊण पविट्ठो उपनंदस्स मंदिरे, भणिया उवनंदेण कम्मयरी, जहादेहि एयस्स भिक्खंति, उवणीओ अणाए वासियकूरो गोसालयस्स, सो य तं अणिच्छंतो उवणंदं एवं निभच्छेइ
ALBROSAROKAR
-
R
MC
For Private and Personal Use Only
