________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अथ षष्ठः प्रस्तावः पुवजियावजविणासणत्थं, एगागिणा वीरजिणेसरेण । तितिक्खिया जे उवसग्गवग्गा, निदंसिया ते सयला कगेण ॥१॥
एत्तो य गोसालयदुविणेयजुत्तस्स तस्सेव महापहुस्स । होहिंति जे ते उ निदंसहस्सं, एगग्गचित्ता निसुणेह तुम्भे ॥२॥ । अह पुषोवइथूणागसन्निवेसाओ निक्खमिऊण गामाणुगामेण परिन्भमंतो ठाणे ठाणे सुरविसरेण पूइजमाणो अभणमाणोवि नियमाहप्पेण पाणिगणं पडिवोहितो पत्तो काणणुजाणदीहियारमणिजं रायगिह नयरं, तस्स य अदूरदेसे समुत्तुंगपासायसहस्ससमद्धासिओ नालंदो नाम संनिवेसो, तत्थ धणकणगसमिद्धो अजुणो नाम तंतुवाओ परिवसइ, तस्स य अणेगे कम्मकरा विसालसालासु संठिया विसिट्ठपट्टदूसाई वुणंति, भय-13 पि वासारत्तं काउकामो अजुणं अणुजाणाविऊण एगंतभूयाए तसपाणविरहियाए सुन्नसालाए मासखमणं पढममुवसंपजित्ता विहरइ । इओ य गोसालो नाम मंखलिमंखस्स पुत्तो चित्तफलगोवजीवी एगागी परिभमंतो तत्थेव सालाए ठिओ जत्थ भयवं पलंबियभुओ चिट्ठइत्ति । जहिं च एयस्स उप्पत्ती तं पच्छा भण्णिही, पढमं ताव जस्स सगासाओ मंखलीमखो जाओ तहा कहिज्जा।
उत्तरावहविसए अस्थि सिलिंधो नाम संनिवेसो, तत्थ केसवो नाम गामरक्खगो, तस्स पाणप्पियाए विणीयाए
For Private and Personal Use Only
