________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
A
%
नियजीवस्सवि उम्मग्गगामिणो जइ करेमि न निरोहं । ता कह अन्ने अणयारचारिणो नणु निरुभिस्सं?॥५॥ इय गोभद्देण तहा कहंपि संभासिया सवेरग्गं । नियभायनिविसेसो जह जाओ तीए पडिबंधो ॥६॥
खणमत्तं च विगमिऊण भणियं तीए-अहो महाणुभाव ! सुंदरो तुहाभिप्पाओ, एयं चिय सप्पुरिसलक्खणं, एयं चिय धम्मसच्चस्सं, एत्तो सयलकल्लाणोवलंभो, इमाओ असेसदुस्सज्झविजासिद्धीओ हवंति, एयं खु सुरासुराणवि दुरणुचरं, एयाणुगओ य नरो न रोगसोगदुक्खेहिं बाहिजइ, ता पत्तं तुमए जम्मजीवियफलं जस्सेरिसो दुक्करपरित्थीसेवापरिहरणपरिणामो, एयं च कुणमाणेण तए अहंपि निओइया सव्वकामुयसिद्धिलाभेणंति, गोभद्देण भणियं-कहं चिय मए निओइया सबकामुयसिद्धीए?, तीए भणियं-महायस! भायनिविसेसोत्तिकाऊण साहिजइ तुज्झ एस वइयरो, निसामेहि, गोभद्देण भणियं-एसो निसामेमि, तीए कहियं| अत्थि सयलतइलोयविक्खायं अणेगअञ्चन्भुयभूयाइसयजणियजणविम्हयं आगरो विजारयणाणं कुलभवणं तंतप्पओगाणं ठाणं खुडसिद्धीणं जालंधरं नाम पुरवरं, जत्थ
आगटिवसीकरणप्पओगअहिस्सकरणकुसलाओ । नहगमणदूरदसणपमोक्खलद्धीसमिद्धाओ ॥१॥ हुंकारमेत्तपडिभिन्नसत्तुसंदोहतुहिययाओ। निरुवमरूवनिरक्तियवमहमहिलाभिमाणाओ ॥२॥ अट्टप्पयारअणिमाइसिद्धिसंबंधसस्सिरीयाजो। निक्सति जोगिणीओ देवाणवि वंदणिजाओ ॥ ३ ॥
RT-3
-
२८ महा.
For Private and Personal Use Only
