________________
Shri Mahavir Jain Aradhana Kendra
Acharya Shri Kailassagarsuri Gyanmandir
www.kobatirth.org
%AUNCHES
महानई, तीसे तडंमि बहवे दूरदेसंतरागयराईसरसेडिसेणावइदंडनाहप्पमुहा जणा केइ परलोगस्थिणो केइ3. कित्तिजसत्थिणो केइ अणत्थपडिघायत्थिणो केइ पियरतप्पणत्थिणो अणवरयं काराविति महाहोमं पार्डिति पिंडं दिति सुवन्नदाणं सक्कारिति उद्धूलियचलणे माहणेत्ति, अओ अजउत्त! जइ तुमंपि तत्थ वचसि ता उवत्थाणमेत्तेण पत्थणाविरहेऽवि पावेसि कणगदक्खिणं, थेवमेत्तकालेण य पडिनियत्तिहिसि, इमं निसामिऊण भणियं गोभद्देण-पिए! मुद्धाऽसि तुमं, सवणरमणीया खलु दूरदेसवत्ता, सिवभहाए भणियं-अजउत्त! तहावि भवणनिविट्ठस्स का तुज्झ कजनिप्फत्ती ?, गोभद्देण भणियं-किमजुत्तं ?, एवंपि होउ, कुणसु संबलं जेण वचामि, तओ तीए कयं से निमित्तं पाहेज, अन्नदिवसे संबलगहत्यो पयहो सो वाणारसीसंमुहो, कमेण वचंतेण दिट्ठो निद्रसरीरसंठाणो नियंसि-17 यवत्थजुयलो निराभरणोवि अहिगं सरीरप्पभाए उबसोहंतो वज्झागारेणविलक्खिजमाणातिसओ पवरपाउगाधिरूढो 3 रतिविरहिओ वम्महोब पञ्चक्खो सलील असंभंतो पहे वचंतो एगो सिद्धपुरिसो, तं च संभमभरियाहिं अच्छीहिं जाव पेच्छइ ताव संभासिओ अणेण-भो गोभद्द! समागओऽसि ?, किं संपयं तुम वाणारसिं गंतुमिच्छसित्ति वुत्ते सविम्हयं गोभद्दो चिंतिउमारद्धो-अहो कहं अदिटुं असुयं मं पञ्चभिजाणइ ?, कह वा मम गिहिणीए य एगंतजायं इमं गमणवइयरं उवलक्खेइ ?, सबहा न एस सामन्नो हवइत्ति, तहा जो एत्तियं मुणइ सो अन्नपि मुणिस्सइ, ता देवयं व उवचरेमि एयं, जइ पुण एत्तोचिय निष्फत्ती होजत्ति विभावितो जोडिय करसंपुडं तं भणिउमाढत्तो-अज!
ACCORGACANCCC
For Private and Personal Use Only
