________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
RECESSACRORRECTOCK
भणइ-अहो भह ! कहं भययं विहरइत्ति, बंभणेण भणियं-देव ! सुणेह, सो जएकनाहो कयाइ फुट्टहासजणियसंतासेसु भूयभवणेसु गोदुहियाए दुद्धरं नियमविसेसमालंबिऊण नासग्गसंगिचक्खुविक्खेवो मंदरोव थिमिओ झाणं झियाइ, कयाइ करालवेयालयालाउलासु पयंडपडियनरमुंडमंडलीसु सुसाणभूमीसु वीरासणं संठिओ निरुद्धउस्साससमीरपसरो सूरबिंवनिहियनयणो मज्झंदिणंमि आयावेइ, कयाइ गुरुभारकंतनरोव ईसिअवणयकाएण पलं|बियभुयदंडो गामबहिया काउस्सग्गेण चिट्ठइ, कयाइ निकारणकुवियपिसायविहियतिबोवसग्गं सोक्खपरंपरं पिव सम्ममहियासेइ, कयाइ छट्ठट्ठममद्धमासाइतव विसेससुसियसरीरो पंतकुलपरिभमणलढुंछतुच्छासाराहार गहेण पाणवित्तिं निवत्तेह।
कइयावि हीणरूवेहि दुट्टसीलेहि कीडमेत्तेहिं । पागयनरेहिं विहियं विसहइ सो तिवमुवसगं ॥१॥ सा आवयावि मण्णे निसुणिजइ जा जएकदेवस्स । दइयव दुन्निवारा नेव समीवं समलियइ ॥२॥ एवं किर तस्स महायसस्स उत्थरइ दुत्थिमा भीमा। कइयावि तियसनिवहा पूयामहिमं पकुवंति ॥३॥ इय नरवर! तचरियं न मारिसो किंपि साहिउं तरइ । तारिसजणचरियाई मुणंति जइ तारिसा चेव ॥ ४॥
एवं निसामिऊण राया सपरिसाजणो दीहरमुक्कनिस्सासो अच्छिन्ननिवडतबाहापवाहाउलवयणकमलो सोगं काउमारद्धो भणोऽवि गओ सगिहं। समप्पियं तुन्नागस्स मोलऽद्धं, सेसदवेण विविहं विलसंतो कालं वो लेइत्ति ।
For Private and Personal Use Only
