________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सेससंगोऽहं संपयं, तुमं च अच्चंत दोगच्च भरविहुरियसरीरो, अओ जइवि असारिच्छमेयं तहावि गिण्हसु इमस्स देवदूसस्स अर्द्धति, जं सामि ! आणवेइति भणिऊण हरिसवसुग्गयबहलपुलओ वंभणो वत्थस्स अद्धं गहिऊण कयप्पजामो अणुचिंतंतो पुणो पुणो सामिस्स अपुत्रमुदारत्तणं गओ नियगेहं दिट्ठो य वंभणीए, पुच्छिओ परमायरेणं, साहिओ तेण देवदूसद्धलाभो, जाओ बंभणीए परमसंतोसो ।
अन्नदिवसेय तेणवि समप्पियं तं दूसद्धं दसिगाबंधणत्थं तुन्नागस्स, तेणवि तारिसमदिट्ठपुत्रं पेच्छिऊण पुच्छिओ सो बंभणो-भद्द ! तुमए कहिं लद्धमेयं ?, न जेण एरिसद्साइं महीयले दीसंति, बंभणेण भणियं-मुद्ध ! भगवया दिण्णंति, तुण्णागेण भणियं-बीयंपि खंडमाणेहि, जेण उभयखंडमीलणेण तुष्णेमि एयं, पडिपुण्णं व दीणारलक्खमुलं पावेइ, अद्धद्धेण य तुज्झ ममंपि दवं भविस्सइत्ति, बंभणेण भणियं -कहं पुण दुइज्जयं वत्थद्धं लभि - स्सामि ?, जिणसमायारवियक्खणेण भणियं तुन्नागेण-जया खाणुगाइफरिसेण सामिखंघदेसाओ निवड तया गिण्डिज्जासि, एवं सोचा सो तल्लोभेण लग्गो भगवओ पिठ्ठीए, जहा य तस्स तल्लाभो भविस्सह तहा पुरओ भणिस्सामि ।
अह कुम्मारगामबहिया पडिवन्न पडिमस्स पलंबियभुयस्स भगवओ महावीरस्स समीवे सयलदिणवाह परिस्तंते छुहाभिहए चरमाणे वसहे भलाविऊण एगो अञ्चतपावसंगयसरीरो विषयणयविण्णाणजा (ना) णविवज्जिओ गोवालो गावी -
For Private and Personal Use Only
