________________
w
Shri Mahavir Jain Aradhana Kendra
atth.org
Acharya Shri Kailassagarsuri Gyanmandir
सोमविज्ञप्ति
श्रीगुणचंद महावीरच० ५ प्रस्ताव ॥१४३॥
कत्थ न बसिओ पहधूलिधूसरो देव! पहियगेहेसुं । हयउयरपूरणट्ठा किंवा न कयं कुकम्ममवि? ॥२॥ दविणोवजणहेउं लहुं पविट्ठो कयंतवयणेवि । नेवत्थंपि नडेण व तं नत्थि मए न जं धरियं ॥३॥ इय दूरदेसविहरणपरिसमुप्पन्नविविहरोगस्स । विगओ एत्तियमेत्तो कालो मम मंदपुनस्स ॥४॥ संपइ पुण धरिणीए आगयमेत्तस्स साहियं एयं । जह संवच्छरसीमं दिन्नं तुमए महादाणं ॥५॥ केसिपि नगरपट्टणगामागरपवरदवभंडारा । अन्नेसि मयजलगंधबंधुरा उद्धरा करिणो ॥६॥ अन्नसिं पारसबब्बरउलवल्हीयसंभवा तुरया। केसिपि जच्चकंचणजडिया वरभूसणुगपाया ॥७॥ इय संकप्पियभूरिप्पभेयदाणेण कप्पतरुणच । निम्महिया नाह ! तए तण्हा मेहेण व जणाणं ॥८॥ एक्कोचिय दुग्गयलोयतिलोयभूओ ठिओ अहं विहलो। पुत्वभवजणियदुविसहदुटुकम्माणुभावेणं ॥९॥ करुणारसवरिसणसित्तदुक्खसंतत्तसबभुवणवण!। ता पसिय पणयवच्छल! पूरेसु मणोरहं मज्झ ॥१०॥ तुज्झ पयकमलसेवावियंभियं सग्गमच्चपायाले । जं कीलंति जहिच्छं सुरवइनरनाहदणुवइणो ॥११॥ सिद्धत्थरायनंदण! तुमएऽविहु जइ कहंपि चत्तोऽहं । पायालनिवडियस्स वि नत्थि धुवं ता मम परित्ता (धरित्ती) १२ एमाइ दीणयावसगलंतनयणंसुधोयवयणेणं । तह तेण विनविजइ जह भिजइ वीयरागोऽपि ॥ १३॥ भगवयावि एवमायण्णिऊण समुच्छलियापरिकलियकारनपुण्णचित्तेण भणियं-भो भो देवाणुप्पिय! परिचत्ता
॥ १४३॥
For Private and Persons Use Only
