________________
Shri Mahavir Jain Aradhana Kendra
श्रीगुणचंद महावीरच०
४ प्रस्तावः
॥ १३९ ॥
www.kobatirth.org
Acharya Shri Kailassagarsuri Gyanmandir
चलाओ महावेजयंतियाओ संपट्टियाओ, तयणंतरं वेरुलियविमलदिप्पंतदंडं पलंगकोरिंटमा लोवसोहियं चंदमंडलाणुरूवं समूसियं दिवमायवत्तं, पवरसिंहासणं च समणिरयण पायवीढं मणिमयपाउयाजोगसंपजुत्तं बहुकिंकरनरपरिग्गहियं संपट्टियं, तयणंतरं च ललियपुलियलंघणजवणगईणं लोलंतलासगललामंबरभूसणाणं कणयमयमुहनिजोगजु| ताणं उज्जलगथासग मंडियकडीणं तरुणपुरिसपरिक्खित्ताणं अट्ठसयं जच्चतुरगाणं अहाणुपुवीए संपट्टियं, तयणंतरं च सत्संगपट्ठियाणं भद्दजाइसमुब्भवाणं सचलक्खणोववेयाणं कंचणकोसीपविठ्ठकलहोय धवलदंताणं कंचणमणितारगाभूसियाणं कुसलारोहसंपउत्ताणं अट्ठसयं उत्तमकुंजराणं संपद्वियं, तयणंतरं च सछत्ताणं सज्झायाणं सघंटाणं सपडागाणं सतोरणवराणं सनंदिघोसाणं हिमवंतुग्गयतिणिसदारुनिम्मियाणं सुसिलिट्ठचकमंडलधुराणं जोत्तियपवरतुरंगाणं रणज्झणंतकिंकिणीजालाणं बत्तीसतोणपरिमंडियाणं चावपमुहपहरणनिवहभरियाणं अट्ठसयं रहाणं अहाणुपुचिए संपट्टियं, तयणंतरं निविडपरियराणं करयलकलियविविहाउहाणं निययविकमोवह सियसेसभडाणं पुरिसाणमट्टसयं संपट्टियं, तयणंतरं च अपरिगणियसंखं हयाणीयं गयाणीयं रहाणीयं पायत्ताणीयं च पहावियं, तयणंतरं च पंचवन्नकुडभीसहस्सकलिओ वइरमयवट्टलट्ठजट्ठिपइट्ठिओ विचित्तछत्ताइच्छत्तपरिक्खित्तो रंटंतभमरकुसुममालामंडिओ अनिलदोलिज्जमाणघंटिया पडलमणहरारावपूरियनह विवरो जसपुंजोब मुत्तिमंतो मुत्तिमग्गोव पयडो नियगुरुयत्तणेण गयणं व परिमिणतो सायरसुरवि सरसंपरिग्गहिओ जोयणसहस्सूसिओ महिंदज्झओ संपत्थिओ, तयणंतरं
For Private and Personal Use Only
निष्क्रमणोत्सव:.
॥ १३९ ॥
