________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
9USKHESASRA-MASALACK
णस्स वंदिऊण चलणजुयलं सुरासुरिंदा पुणो पुणो धरणियलनामिउत्तिमंगा आसीसासएहिं थुणिउं पवत्ता, कहं ?-1 विजयसु जएकबंधव ! ससुरासुरतिहुयणेणवि अजेयं । अचंतमहलं मोहमलमचिरेण लीलाए ॥१॥ मिच्छत्ततिमिरमुच्छिदिऊण सन्नाणसूरकिरणेहिं । पयडेसु मुत्तिमग्गं विमग्गलग्गाण भवाण ॥२॥ पालेसु समणधम्म चिरकालं जाव निग्गयपयावो । अजियं जिणेसु मज्झे जियस्स निवससु तुमं नाह! ॥३॥ तुह अणवरयं गुणनिवहकित्तणारावओ विबुहलोगो । सबत्तो दिसिवलयं पकुणउ कोऊहलाउलियं ॥ ४ ॥ तुज्झ जसो कुमुओयरगोरो भुवणत्तएवि हिंडतो । सबत्तो उग्गयचंदविसोहं समुबहउ ॥ ५॥ सिंहस्स व तुह अचंतविक्कम पेच्छिऊण तरलच्छा । भीया कुतित्थियमिगा एत्तो दूरे पलायंतु ॥६॥ इय आसीवायपुरस्सराहिं थुणिउं गिराहिं भुवणगुरुं । नट्टविहिं च पयट्टिय विरयंमि सुरिंदविंदंमि ॥७॥ भावियजयगुरुविरहग्गिदूमिओ नंदिवद्धणो राया। वाहरि नियपुरिसे पयंपिउं एवमाढत्तो ॥८॥
भो भो देवाणुपिया! जगपहुणो निमित्तं विसिट्टवेइगापरिक्खित्तपरिसरं सरसचंदणुम्मिस्सघुसिणरसालिहिय-13|| विविहसत्थियं थिरनिवेसियसपायपीढनानामणिमयसीहासणं रणंतकणयकिंकिणीमहुरनिनायमुहलियदियंतरं रंगत-I विविहचिंधसयसंपुन्नं पन्नासधणहायाम पणुवीसधणुविच्छिन्नं छत्तीसधणमबिद्धं चंदप्पभनामधेयं सीय उवट्ठवेहत्ति। तओ ते सामिवयणं निसामिऊण पहिहियया तहत्ति सबं निवत्तति ।
For Private and Personal Use Only
