________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
दीक्षामि
श्रीगुणचंद महावीरच० ४ प्रस्ताव
॥१३७॥
ASSASS62USISASIES
सयलनियदेवपरियरिओ तेहिं दिवेहिं कणयाइकुंभेहिं अट्ठसहस्ससंखेहिं दिवोसहिसुगंधगधुम्मिस्सेहिं मंदिरद्वियं भयवंतं हरिसवियसियवयणो अभिसिंचइ, एवं कमेण सेसावि सुराहिवइणो चंदसूरपजंता पहवंति जयगुरुं, अह तेसु मजणं काऊण सट्ठाणट्ठिएसु नंदिवद्धणो राया कयमुहकोसविन्नासो परेणं विणएणं अचंतमप्पमत्तचित्तो तेहिं पुबोवणीएहिं चामीयराइकलससहस्सेहिं गंधुदुरपवरतित्थजलभरिएहिं मजेइ जिणवरं, तहा वट्टमाणे य भगवओ मजणमहूसवे केइ सुरिंदा चालिंति मंद मंदं चामीयरदंडुड्डामराओ चामराओ केवि धारिति नियधवलिमाविजियसियसयवत्ताई आयवत्ताई केवि संमुहमभिट्ठाविति पणदुखंपणं पवरदप्पणं केवि करयलेणुवहति सुगंधखीरोयसलिलपुन्नपिहाणपउमगंधुक्कडे कुडे केवि उप्पाडेति डझंतागुरुघणसारसुरहिधूवधूमंधयारलंछियं पंचवन्नरयणधूवकडच्छुयं केवि समुबहंति परिमलमिलंतालिसामलाओ दसद्धवन्नकुसुममालाओ, अन्ने देवा य देवीओ य भगवंतं अभिमुहट्ठियाओ पजुवासिंति । अह निवत्तियम्मि मजणे नंदिवद्धणो राया दोचंपि उत्तरावक्कमणं सीहासणं विरयावेइ, तत्थढियं च भयवंतं सेयापीयकलसेहिं ण्हवेइ, तयणंतरं च णं अलंकारियस्स पुवाभिमुहसीहासणसन्निसनस्स सामिणो सुरभिसुकुमालंगधकासाइलहियसरीरस्स गोसीससरसचंदणचच्चियंगस्स परिहियनिरुवयफलिहुजलदिवदेवदूसजुयलस्स निबद्धपंचरायरयणकडिसुत्तयस्स कणगसेलसिलाविच्छिन्नवच्छत्थलघोलंतविमलमुत्ताहलकलावस्स विचित्तमणिखंडमंडियकुंडलुज्जोवियगंडयलस्स रयणुक्कडकिरीडविभूसियसिरस्स पंचवन्नपुप्फमालालंकियस्स पाक्खित्तसुगंधवरवासस्स भगवओ वद्धमा
॥ १३७॥
For Private and Personal Use Only
