________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
हिं भगवया, कहकहवि निरुद्धबाहप्पवाहा य तकालचउग्गुणीभूयं संताववेगं निरंभिऊण भणिउमाढत्ता-अहो परमेसर! करुणापरो हवसु अम्ह जीवियचे, परिहरसु संपयं सबविरइवछं, एयपि काऊण तुमए पाणिणो रक्खणिज्जा, ते य जइ पढमपि दुस्सहविओगकरवत्तभिजमाणहियया रक्खिजिस्संति ता किमजुत्तं होजा?, तुम्हहिं रहिया नूणं अवगयलोयणच अमुणियगम्मागम्मविभागा वइदेसिगा इव अणाहा खणमेपि न संधीरेमो अप्पाणंति, भगवया भणियं-जइ एवं ता सम्ममालोचिऊण भणह-केत्तियकालेण तुम्भे ममं दिक्खागहणत्थमणुमनिस्सह ?, तेहिं । भणियं-संवच्छरदुगेणं अइगएणंति, भगवया जंपियं-एवं होउ, परं मम भोयणाइसु न तुम्हेहिं विसेसचिंता कायबा, तेहिं भणियं-एवं करिस्सामो, तओ तदिणाओ आरब्भ परिचत्तसपसावजवावारो सीओदगपरिवजणपरायणो
फासुयाहारभोई दुक्करवंभचेरपरिपालणपरो परिमुक्कण्हाणविलेवणपमुहसरीरसकारो फासुओदगेण कयहत्थपायपक्खा18 लणाइकायचो जिणिदो ठिओ वरिसमेगं ॥ तहिं च
परिमुक्काभरणोऽविहु पहाणविलेवणविवजिओऽवि जिणो । जुगबुग्गयबारससूरतेयलच्छि समुबह ॥१॥ सयणोवरोहणेहेण धरियगिहसरिसबज्झवेसोऽवि । लक्खिजइ जयनाहो संजमरासिव पञ्चक्खो ॥२॥ सा कावि गिहगयस्सवि जिणस्स मज्झत्थया पवित्थरिया।जा निग्गहियमणाणवि मुणीण चित्तं चमकेइ ॥३॥ अह वच्छरपजंते तिलोयचूडामणी महावीरो । वारिसियमहादाणं दाउं परिचिंतए जाव ॥४॥
CARCHCRACAN
For Private and Personal Use Only
