________________
Shri Mahavir Jain Aradhana Kendra
www.kobabirth.org
Acharya Shri Kailassagarsuri Gyanmandir
RSS
पंचत्तमुवगओत्ति ।
उववण्णो सोहम्मे पलियाउसुरो तओ सुदिट्टीओ। अंतोमुहुत्तमत्तेग पत्तपजत्तभावो य ॥ १०२॥ जय जय नंदा ! भद्दत्ति वाहरतेण किंकरजणेणं । हरिसभरनिभरेणं कारियतकालकायबो ॥१३॥ उत्तुंगथोरथणवट्टलहरेहतमोत्तियसरीहिं । छणमयलंछणसच्छहवयणाहिं कुवलयच्छीहि ॥ १०४ ॥ निम्मलकवोलतललिहियचित्तविच्छित्तिपत्तवल्लीहिं । करकिसलयपरिघोलिरचामीयरचारुवल पाहि ॥ १०५॥ सुरसुंदरीहिं सद्धिं कीलंतो तेसु तेसु ठाणेसुं । रइसागरावगाढो कालं वोलेइ लीलाए ॥ १०६ ॥ तीहिंविसे. कल्लाणगेसु पंचसु चवणप्पमुहेसु जिणवरिंदाणं । नंदीसरदीवाइसु परिचत्तासेसवावारो॥ १०७॥
भवजलहितरंडमिमं तिदुक्खतत्ताणममयमयति । मणवंछियत्थपूरणचिंतामणिपचलमिमंति॥१०८॥ अम्हारिसाणमविरइपराण इय विहियगाढबहुमाणो।हरिसभरनिन्भरंगो कुणइ य अट्ठाहियामहिम॥१०९॥तीहि विसे.
हिमवंतमहाहिमवंतपमुहकुलपव्वएसु अणवरयं । दिबविमाणारूढो सिद्धाययाणि पेच्छइ य ॥ ११०॥ सुणइ य पञ्चक्खं चिय विहरंतऽरिहंतवयणकमलाओ। संसारब्वेयकर भत्तीए धम्मसबस्सं ॥ १११॥ दुकरतवचरणकिसंग(सारए)संगवज्जिए मुणिणो । मणवयणकायगुत्ते भत्तीए पज्जुवासइ य ॥ ११२॥ इय पवरसिद्धिमंदिरसोआणपरंपरासरिच्छंमि । सिरिवीरनाहजिणवरचरियंमि गुणोलिनिलयंमि ॥ ११३॥
२ महा०
For Private and Personal Use Only
