________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| जम्मघरंमि पडिरूवं ओसोवणिं च अवणित्ता तिसलादेविसमीपे निसियावेइ, एगं च पवरं देवदूसजुयलं कुंडलजुयलं च ऊसीसगमूलंमि ठवेइ, एगं च पंचवन्नियरयणविच्छित्तिमणहरं जच्चकंचणविणिम्मियं संबंतमुत्साहलायचूलयं लंबूसयं भगवओ अभिरमण निमित्तं अवलोयंमि ओलंबे, जं अवलोयंतो जिणो सुद्देण चक्खुक्खेवं करेइ, तओ सको वेसमणं आणवे - जहा भो ! सिग्धमेव बत्तीसं हिरन्नकोडीओ बत्तीसं सुवन्नकोडीओ बत्तीसं नंदाई बत्तीसं भद्दाई अन्नाणि य विसिवत्थूणि भगवओ जम्मणभवणे उवणमेहि, सोऽवि जंभगदेवेहिं सव्वं तदत्ति निघतेइ, पुणरवि देविंदो निय तियसेहिंतो सन्वत्थ एवं उग्घोसावेह - भो भो भवणवद्दवाणमंतर जोइसियवेमाणिया देवा देवीओ य ! सुणंतु भवतो-जो किर तित्थयरस्स तित्थयरजणणीए वा असिवमणि काउं संपद्दारेही तस्स अवस्सं अज्जगमंजरिव्व उत्तिमंगं सहस्सहा तडित्ति फुट्टिहित्ति, एवं च सव्वं काऊण विहिं भगवंतं पणमिऊण उप्पइओ नीलुप्पलसामलं गयणं पुरंदरे ॥
अह उग्गयंमि दियरे पगासीभूयासु सयलदिसासु वज्जिए गंभीरघोसेसु जयत्रेसु सुहपडिबुद्धा तिसला पेच्छ सव्यालंकारविभूसियं पवरसुरहिपारियायमंजरी परिमलमिलंतालिवलयसामलियासरीरं सुरहिगोसीस चंदणरसकथंगरागं जिणेसरं, इओ य सिद्धत्थनरिंदो सहरिसपधाविएण चेडीजणेण साहियतिदुयणच्छेरय रूवसुयजम्ममहूसवो चेडीजणरस अवणियदासत्तभावो आसत्तवेणिवं छियत्थसमत्थरयणरासिदाणजणियाणंदो भगह, जह-भो पुरिसा !
For Private and Personal Use Only
