________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
देवकतो
श्रीगुणचंद महावीरच. ४प्रस्ताव
जन्माभिषेक
॥१२२॥
६ वीरकुंदमल्लियासोयचूयमंजरिपारियायपमुहं पंचवण्णकुसुमनियरमाजाणुमत्तं मुयइ, नाणाविहमणिभत्तिविचित्तदंडेग वरामयकडुच्छुएणं पवरगंधाभिरामं धूवमुक्खिवइ, पजलंतदीवियाचक्कवालमणहरं आरत्तियमंगलपाईवं च समुत्तारेइ,
एवं च कमि सबकायचे हरिसुक्करिसनमिरसिरनिवडियकुसुमच्चियमहीयलं कोमलभुयमुणालअंदोलणमणिकंकणरवा| उलं उम्भडकरणवेगरिखोलिरमुत्तावलिकलावयं तयणु सुरासुरोहिं सवायरेण जिणपुरओ पगचियं, नचिऊण भत्तिभरनिभरा भयवंतं थोउं एवमारद्धा
जय भुवणतयवंदिय ! लीलाचलणग्गघालियगिरिंद! । भवकूवमज्झनिवडंतजंतुनित्थारणसमत्थ ॥१॥ परमेसर सरणागयपरूढदढवजपंजर जिणिंद । वम्महकुरंगकेसरि मच्छरतमपसरदिवसयर ! ॥२॥ सच्चं चिय सिद्धत्थो कहं न सामिय! जहत्थनामत्थो । चिंतामणिसारिच्छो जस्स सुओ तं विसालच्छो ॥३॥ अच्चंतमविरइपरायणंपि अइपुन्नवंतमप्पाणं । मण्णेमो जिण! जं तुज्झ मजणे एवमुवयरिया ॥४॥ भई भारहखेत्तस्स नाह! तं जत्थ पाविओ जम्मं । धरणीवि वंदणिजा जा वहिही तुज्झ कमकमलं ॥५॥ जह तुह पयसेवाए जिणिद! फलमत्थि ता सया कालं । एवंविहपरममहं अम्हे पेच्छंतया होमो॥६॥
इय चउविहदेवनिकायसामिणो जिणवरं थुणेऊण नियनियठाणेसु गया मोतुं सोहम्मसुरनाहं, गए य सट्ठाणं देविंदे सोहम्माहिवई कयसबकायन्वो जिणिदं करसंपुडेण गहिऊण अणेगदेवकोडाकोडिपरिवुडो गंतूण जिण--
ककककक
P॥१२॥
For Private and Personal Use Only
