________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
SEARC
तथा-चलिरमंदरभारसंभग्गसिरनमिरभुयगाहिवह दूरमुक्कदुद्धरु धरायलु,विलुलंतकुलसेलगणु तुबंधु डोलिओ विसंतुलु।
उस्सिंखलभयभरविहुर उद्धयसुंडादंड अनिवारण दिसिवारणवि गमणि पयट्ट पयंड ॥४॥ खुभियदारुणमच्छकच्छवयपुच्छच्छडताडणेण उच्छलंतकलोल-संकुलगयणंगणविगयसिहमुक्कमेरवियरंतमहिजल। अइवेगप्पवणप्पहय हल्लियसयलसमुह । नजइ जगबोलण भणिय चाउदिसिहिं रउहु ॥५॥ सूरससहरतारयाणंपि विवरंमुहपट्ठियइं तक्खणेण सबई विमाण, भयभीएण सुरगणेण अइजवेण उज्झियसगणई। विमणमणुसुरवहुनिवहु जाउ विसंतुलचेटु, मरगासंकिउ खयरजणु गिरिकंदरिहिं पहु॥६॥
एवं वियंभमाणे तिहुयणसंखोहे पंचनमोकारसुमरणपरायणे चारणमुणिगणे विविहाउहनिवहमणुसरंते अंगरक्ख. सुरसमूहे पयंडकोवुडमरभीमो घडियनिडालमिउडिभासुरो करकलियकुलिसो सुराहियो भणिउमाढत्तो-अहो सो एस संतिकम्मसमारंभेऽवि वेयालसमुल्लासो भोयणपढमकवलकवलणेऽवि मच्छियासन्निवाओ पुन्निमाचंदपढमुग्गमेवि दाढाकडप्पदुप्पिच्छो विडप्पागमो जं सयलमंगलालयस्स अणप्पमाहप्पबलणिहाणस्स तित्थेसरस्सवि जम्मणमहूसवसमए एरिसो विग्यो समुवडिओ, केण पुण अकालकुवियकयंतसंगमूसुएण देवेण दाणवेण य जक्खेग रक्खसेण नियभुयसामत्यवित्थारदसणट्टयाए वा जिणमहिमावलोयणमच्छरेण वा भुवणसंखोहदंसणकोऊहलेण वा कओ हवेजति |जायसंसओ ओहिनाणं पउंजइ । तओ दिखनाणमुणियजिणचलणचंपणुकंपियमेरुवइयरो तक्खणसंहरियकोबुग्गमो
ॐॐॐ*%%y
२१ महा.
MEॐ
For Private and Personal Use Only
