________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
"SASARASRECRUAR
इगापरिक्खित्तपेरंतविभागं रणंतघंटावलीमहुरसरसुहयं पवणकंपमाणनिविडजयपडागापयर्ड सिहरं व तिरियलोयमहामंदिरस्स फलं व पुवकयपुन्नमहापायवस्स तिहुयणसारपरमाणुविणिम्मियं व सयलविभूइविच्छड्डाखंडभंडागारं सोलसभेयरयणरासिघडियं व सुरवइययणसंभंतपालकामरविउवियं जोयणसयसहस्सविच्छिण्णं पंचजोयणसयसमुहं वरविमाणमारूढो अणेगदेवदेविकोडिपरिवुडो पत्थिओ पुरंदरो, तओ पवणविजइणीए गईए तिरियमसंखेजाणं दीवसमुदाणं मझमज्झेणं नंदीसराभिहाणदीवस्स दाहिणपुरथिमिले रइकरपवए आगंतूण तं दिवं देविढि विमाणवित्थारं व पडिसंहरिऊण जेणेव जंबुद्दीवो जेणेव दाहिणभरहं जेणेव भगवओ जम्मणभवणं तेणेव उवागच्छइ, तयणंतरं च तेण दिवेण विमाणेण तिक्खुत्तो आयाहिणपयाहिणं भगवओ जम्मणभवणस्स काऊण विमाणं उत्तरपुरच्छिमे दिसिभागे ठवेइ, तओ अट्ठहिं अग्गमहिसीहिं चुलसीइए सामाणियसाहस्सीहिं समेओ जत्थ भयवं तित्थयरो तित्थयरजणणी य तार्ह आलोएइ, पणामं करेमाणो पविसइ, सामि समायरं तिपयाहिणपुवयं वंदइ, वंदिता सविसेसं तिसलादेवि थुणइ, कहं ?
जयसि तुमं देवि! सगोत्तगयणपडिपुन्नचंदनवजुण्हे ! । सुविसुद्धसीलसालीणयाइ गुणरयणवरधरणि! ॥१॥ तिहुयणचिंतामणिकुच्छिधारिए ! तं धुवं जगे धन्ना । तुझं चिय सुहफलओ पसंसणिजो मणुयजम्मो ॥२॥ एत्तियमेत्तेणं चिय तुमए उलंघिउन भवजलही। परमासीसट्ठाणं जायासि मुणीसराणंपि ॥३॥
ASARANAGANAGAR
For Private and Personal Use Only
