________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीगुणचंद, महावीरच. ४ प्रस्तावः
दिशाकुमारीकृतो महोत्सव
॥११६॥
CABLOCRACCUSAKADCACHERS
एवं चिय चलियासणपउत्तदिवोहिमुणियपरमत्था । उड्ढदिसावासाओ देवीओइमा तओ इंति ॥१॥ मेहंकरा मेहबई, सुमेहा मेहमालिणी । सुवच्छा बच्छमित्ता य, वारिसेणा बलाहगा ॥२॥ तो निहयरयं वेउविएण मेहेण महियलं काउं । गंधंधलुद्धफुलंधयाउलं पुप्फररिसं च ॥३॥ जिणवरगुणगणमइकोमलेण सुइसोक्खकरणदक्खेण । अइदूरंमि ठियाओ गायंति सरेण महुरेण ॥ ४॥ अह पोरस्थिमरुयगढिईओ अट्ठवि दिसाकुमारीओ। बहुपरियणपरियरियाओ एयाओ आगया झत्ति ॥५॥ नंदुत्तरा य नंदा, आणंदा नंदिवद्धणा । विजया य वेजयंती, जयंती अपराजिया ॥६॥ रविमंडलसारिच्छं हत्थे धरिऊण दप्पणं ताहे । पुवदिसिंमि ठियाओ किर्तिति गुणे जिणवरस्स ॥७॥ अह दाहिणरुयगनिवासिणीओ अट्ठवि दिसाकुमारीओ। नायजिणजम्मणाओ इंति विमाणेहिं एयाओ ॥ ८॥ समाहारा पइन्ना य, सुप्पबुद्धा जसोहरा । लच्छिमई सेसवई, चित्तगुत्ता वसुंधरा ॥९॥ करपलवेण कलि(गहि)उं भिगारं सुरहिवारिपरिपुन्नं । दक्षिणपासे पहुणो गुणथवणपरा परिवसंति ॥१०॥ अह पच्छिमरुयगगया अटेव पुणो दिसाकुमारीओ। भत्तिभरनिन्भराओ इमाओं पविसंति जिणगेहे ॥११॥ इलादेवी सुरादेवी, पुहवी पउमावई । एगनासा नवमिया, भद्दा सीया य अट्ठमी ॥ १२ ॥ करकलियतालियंटा विसदृकंदोद्ददीहरच्छीओ । पच्छिमदिसिम्मि ठाउं थुगंति जिणनाहगुणनिवहं ॥ १३ ॥
AGARIKAASAGAR
For Private and Personal Use Only
