________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
RURE-REGUSAROSARORSCOM
वच्छ ! जइवि नयविणयसच्चाइगुणगणमणिमहोयही तुमं तहवि किंपि भणेजसि, एसा हि रायलच्छी अपडमंधत्तणं अमजपाणं मयजणणं सूरससहरकरप्पसरासज्झमंधयारं, ता तहाकहपि वद्विजासि जहा न मइलिजइ ससहरधवलं नियकुलं, जहा न खंडिजइ दूरप्परूढो पयावपायवो, जहा न पमिलायइ नीइकमलिणी, जहा न उम्सिखली-14 हवंति खला, जहा न विरचंति पयइणो, जहा करभरेहिं न पीडिजइ जणवउत्ति, एवं च वट्टमाणस्स पुत्त ! इहलोए इच्छिया होहिंति सयलवंछियत्थसिद्धीओ, किमंग पुण परलोएत्ति ?, एवं सिक्खविऊण नरसिंघनरवई पढिओ समंतभहसूरिसमीवंमि, तओ पउणाविया नरविक्कमनरवइणा सहस्सवाहिणी सिविगा से निक्खमणनिमित्तं, कयमजणोवयारो सवालंकारविभूसिओ समारूढो तत्थ नरसिंहनरवई, उक्खित्ता पवराभरणविभूसियसरीरेहिं सुइनेवत्थेहि पवरपुरिसेहिं सिविगा, तओ दिजंतेहिं महादाणेहिं वजंतेहिं चउबिहाउजेहिं पढ़तेहिं मागहसत्येहिं गायंतेहिं गायणेहिं मंगलमुहरमुहीहि नयरनारीहिं पणचिराहिं वारविलियाहिं महाविभूईए निग्गओ नयरीओ, पतो सूरिसगासं, ओयरिऊण सिविगाओ तिपयाहिणपुब्वं पडिओ गुरुचलणेसुभालयलघडियकरसंपुडेण भणिओ गुरू तओ रण्णा । भयवं! तायसु इण्हि जिणिददिक्खापयाणेण ॥१॥ पडिवनंमि य गुरुणा पुन्बुत्तरदिसिसमुज्झियाहरणो । एगनियंसियवत्यो पसंतवहृतसुहलेसो ॥२॥ सिद्धंतभणियजुत्तीऍ तत्थ सूरीहिं गाहिओ सम्मं । पवजं निरवजं कम्ममहासेलवज्जसमं ॥३॥
PRACCसर
१९ महा.
For Private and Personal Use Only
