________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
AAAAAAAAAAAA
रणो कयपूयावित्थरो विणयपणओ करकलियधूवदहणो सो विनविउं समाढत्तो-देवि! ममेकं दोसं दासस्स व खमसु परिहरसु को न पुणो काहामीमं, पणए न परंमुहा देवा, ताहे भणियं देवीए-रे तुमं जइ सुहेण पालिहिसि नियजणणिनिविसेस एयं ता जीवसि हयास!, तेण तहत्ति सवं पडिवन्नं गाढभयवसट्टेण, उवसंहरियं देवीए डमरं अईसणं च गया। अह जाओ अणुकूलो पवणो, मग्गेण लग्गं जाणवत्तं, हरिसिया कन्नधाराइणो जणा, परि-2 तुट्टो सो वणिओ, पडिओ सहायरेण चलणेसु सीलमईए, खामिया निय दुचरियं, भणिया य सा-सुयणु! मा काहिसि सबहा सोगं, अचिरेण तहा काहामि जहा मिलसि नियपिययमस्स, काराविया य पाणवित्ति, समप्पिया निरुवद्दवनिवासनिमित्तमेका उरिगा, तओ पइदिणं मायरं व भयणिव देवयं व गुरुं व सामिव वत्थेण य भोयणेण य भेसहेण य तंबोलेण य संमं पडियरमाणो पत्तो परतीरं, विकिणियाई निययभंडाई पाविओ भूरिअत्थसंचओ निवत्तियासेसकजो वलिओ सनयराभिमुहं, अंतरे आगच्छंतस्स अणणुकूलपवणपणो लियं लग्गंजयवद्धणनयरपरिसरंमि बोहित्थं, तओ विमुक्का नंगरा पाडिओ सियवडो उत्तरिओ बहुकिंकरनरपरियरिओ सो वाणिओ, गओ विचित्ताई महरिहाई परतीरभवाई पाहुडाई गहाय नरविक्कमनराहिवस्स दंसणत्थं, पडिहारनिवेइओ य पविट्ठोरायभवणं, दिवो राया, समप्पियाई पाहुडाई, कओराइणा सम्माणो, तओ समुद्दलंघणवइयरनिवेयणेण परतीरनयररायसरूववत्ताकहणेण नियकयाणगगुणदोसपडणेण य ठिओ नरवइस्स समीवे पहरमेकं, एत्यंतरे पणमिऊण विनत्वं तेण-देव! सुन्नं पवहणं समागच्छइ
डाई गहाय नरविक्कमनराहिलंधणयइयरनिवेयणेण परतारण देव ! सुन्नं पवहणं समाग
For Private and Personal Use Only
