________________
Shri Mahavir Jain Aradhana Kendra
www.kcbalirth.org
Acharya Shri Kailassagersuri Gyanmandie
AAAAAAAACARREARS
आगओ, तओ कोऊहलेण य भवनिव्वेएणत्ति य संदेहपुच्छणेण य बहुमाणेण य धम्मसवणनिमित्तेण य नियनियदरिसणाभिप्पायविमरिसेण य समागया बहवे मंतिसामंतसेद्विसेणावइसत्यवाहदंडनाहप्पमुहा नयरलोया, निवडिया चरणेसु, निविट्ठा जहासंनिहिया धरणिवढे, सूरीवि पुत्वभवजियगुरुकम्मजलणजालालितत्तगत्तेसु करुणामयवुद्धिपिव दिहि सत्तेसु पेसंतो मंदरगिरिमंथमहिजमाणखीरोयरवगंभीरेण सद्देण सद्धम्मदेसणं काउमारद्धो, कह?
खरपवणपणुनकुसग्गलग्गजलविंदुचंचलं जीयं । सुररायचावचवलं खणवि गलइ सरीरवलं ॥१॥ पेम्मंपि तुंगगिरिसिरसरंतसरियातरंगमिव तरलं । लच्छीवि छडणुङमरवंछिरी पेच्छइ छलाई ॥२॥ पयडपयट्टियदारुणविविहवियारा महासमुद्दे व । निवडंति आवया आवयव निचं सरीरंमि ॥३॥ मणिमंततंतदिषोसहीण वावारणेवि अविणासं । भुंजता देंति दुहं विसया विसवलरीउब ॥४॥ मिच्छत्तमोहमोहियमईहिं कीरंति जाई पावाई। भवसयपरंपरासुवि वेरिव मुयंति नो ताई ॥५॥ पियपुत्तकलत्ताईण जाण कजेसु वट्टियं बहुसो । परलोयपयट्टाणं ताणिवि नो हुंति ताणाय ॥६॥ इय भो नाउं जिणधम्ममणुदिणं सरह सरहसं कुसला!। जावजवि वजमहासणिव निवडइ न तुम्ह जरा ॥७॥ तीसे पडणे पुण छिन्नपक्खपुडया विहंगवग्गव । उड्डियदाढाभुयगड हरियरजा णरिंदच ॥ ८॥ सच्छंदगमणपरभीइजणणसम्बत्थसाहणविहीणा । चिररिद्धिं सुमरंता सुचिरं तुब्भे किलिस्सिहिह ॥९॥
For Private and Personal Use Only
